ފީފާގެ ރައީސް ޖިއާނީ އިންފަންޓީނޯ އަދި އޭއެފްސީގެ ރައީސް ޝައިހް ސަލްމާން ބިން އިބްރާހިމް ހަލީފާއާ ޔޫތު މިނިސްޓަރު އަހުމަދު މަހުލޫފް ބައްދަލުކުރައްވައިފިއެވެ.
މި ދެ ބޭފުޅުންނާ މިނިސްޓަރު މަހުލޫފް ބައްދަލުކުރެއްވީ ހޮނިހިރު ދުވަހު އޭޝިއަން ކަޕް ހުޅުވުމުގެ ރަސްމިއްޔާތުގެ ތެރެއިން އަބޫދާބީގައެވެ.
ބައްދަލުވުމާ ގުޅޭގޮތުން މިނިސްޓަރު މަހުލޫފް ކުރެއްވި ޓުވީޓެއްގައި ވިދާޅުވީ، ފީފާ އަދި އޭއެފްސީއާ ވަރަށް ގާތުން މަސައްކަތް ކުރާނެ ކަމަށާއި، ގަވައިދުތަކަށްވެސް ބޯލަނބާނެ ކަމަށެވެ.
Met the President of @FIFAcom Gianni Infantino & President of @theafcdotcom Sheikh Salman.
— Ahmed Mahloof (@AhmedMahloof) January 5, 2019
Gave assurance that Maldives will work closely with FIFA & AFC in respect to their regulations.
Thank you for the invitation. pic.twitter.com/GOm2lzVr08
މިނިސްޓަރު މަހުލޫފް ވަނީ ދާދި ފަހުން އޭއެފްސީގެ ރައީސް ޝައިހް ސަލްމާންއާ ބައްދަލުކުރައްވާފައެވެ. އެ ބައްދަލުވުމަށްފަހު ވެސް އޭއެފްސީ އަދި ފީފާގެ ގަވައިދުތަކަށް ބޯލަނބާނެކަމަށް ވަނީ ވިދާޅުވެފައެވެ.
ރަސްމީ ދަތުރުފުޅެއްގައި ފީފާގެ ރައީސް އިންފަންޓީނޯ ވަރަށް އަވަހަށް ރާއްޖެ އައުމަށް ހަމަޖެހިފައިވާއިރު، މި ދަތުރުފުޅުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއާ އިންފަންޓިނޯ ބައްދަލުކުރެއްވުމަށްވެސް ވަނީ ހަމަޖެހިފައެވެ.
