ފީފާ ބީޗް ސޮކާ 2017 ގައި ޓަހިޓީ ބަލިކުރުމަށްފަހު، ބްރެޒިލް އިން މުބާރާތުގެ ތަށި ފަސްވަނަ ފަހަރަށް އުފުލާލައިފި އެވެ.

އާދީއްތަ ދުވަހުގެ ރޭ ކުޅުނު ފައިނަލް މެޗު ޓަހިޓީއާ ވާދަކޮށް ބްރެޒިލް އިން މެޗު ކާމިޔާބުކުރީ 0-6 ގެ ތަފާތުބޮޑު ނަތީޖާއަކުންނެވެ.

ބަހާމަސްގައި ޖުމްލަ 3،500 ސަޕޯޓަރުން ކުރިމަތީގައި ކުޅުނު މި މެޗު ފެށިގެން 14 ވަނަ ސިކުންތުގައި ބްރެޒިލް އިން ވަނީ މެޗުގެ ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ މަރަސިނިއޯ އެވެ.

މި ލަނޑަށްފަހުވެސް ބްރެޒިލް އިން ދިޔައީ ޓަހިޓީގެ ގޯލަށް ނުރައްކާކުރަމުންނެވެ. އެގޮތުން 6 ވަނަ މިނެޓުގައި މަރަސިނިއޯގެ އެހީތެރިކަމާއެކު ޑަޗިނިއާ ކާމިޔާބުކުރި ލަނޑުން ބްރެޒިލް އިން ވަނީ މެޗުގެ ލީޑު ފުޅާކޮށްފައެވެ.

ބްރެޒިލް އިން މެޗުގައި ކާމިޔާބުކުރި ތިންވަނަ ލަނޑު 17 ވަނަ މިނެޓުގައި އެޓީމަށް ކާމިޔާބުކޮށްދިނީ މެޗުގެ ފުރަތަމަ ލަނޑުވެސް ކާމިޔާބުކުރި މަރަސިނިއޯ އެވެ. މި ލަނޑު އޭނާ ކާމިޔާބުކުރީ ޑަޗިނިއާގެ އެހީތެރިކަމާއެކުގައެވެ.

ބްރެޒިލްގެ ހަތަރުވަނަ ލަނޑު 29 ވަނަ މިނެޓުގައި ޑަޓީނާ ކާމިޔާބުކުރިއިރު، ފަސްވަނަ ލަނޑު އެޓީމަށް ކާމިޔާބުކޮށްދިނީ 31 ވަނަ މިނެޓުގައި ޑެނިއަލްއެވެ. އޭގެ ދެ މިނެޓުފަހުން ޑެނިއަލް ވަނީ ބްރެޒިލްގެ ހަވަނަ ލަނޑު ކާމިޔާބުކޮށްފައެވެ.

މި މުބާރާތުގެ ތިންވަނަ ހޯދާފައިވަނީ އިޓަލީއާ ވާދަކޮށް 3-5 ގެ ނަތީޖާއަކުން ކުރިހޯދައިގެން އިޓަލީއެވެ. އިރާން ހޯދި މި ކާމިޔާބީއަކީ އޭޝިއާ ޓީމެއް މުބާރާތުގައި ހޯދި އެންމެ ބޮޑު ކާމިޔާބީއެވެ.

މުބާރާތުގެ ގޯލްޑެން ބޯލް އިރާންގެ މުހައްމަދު އަހްމަދްޒާދީ އަށް ލިބުނު އިރު، ސިލްވާ ބޯލް ލިބުނީ ބްރެޒިލްގެ މަރުސީނިއޯ އަށެވެ. އަދި ބްރޯންޒް ބޯލް ލިބުނީ ބްރެޒިލްގެ ޑަޗިނިއާ އަށެވެ.

މުބާރާތުގެ ގޯލްޑެން ސްކޯރާއަކަށް އިޓަލީގެ ގެބްރިއެލް ގޯރީ ހޮވުނުއިރު، ގޯލްޑެން ގްލޯވް ލިބުނީ އިރާންގެ ފޭމަން ހުސެއިނީ އަށެވެ. މުބާރާތުގެ ފެއާޕްލޭ ޓީމަކަށް ހޮވުނީ ބްރެޒިލް އެވެ.