ނިއުޒިލޭންޑް ގޮނޑުދޮސަށް ލައްވި ބޮޑުމަސްތައް ފުންކޮށްފި
ބުރާސްފަތި ދުވަހު އެ ގައުމަށް 400 އަށްވުރެ ގިނަ ބޮޑުމަސް ލައްގާފައިވޭ
އަމިއްލަ ޒާތުގައި ފުންވި މަސްތައް ފުންވެފައިވަނީ ހޮނިހިރު ދުވަހުގެ ރޭ ދިޔަވަރު ބޮޑުވުމުން
ނިއުޒިލޭންޑްގެ އެކަހެރި ސަރަހައްދެއްގެ ގޮނޑުދޮށުގައި ތާށިވި 200 އަށްވުރެ ގިނަ ބޮޑުމަސް އޭގެ އަމިއްލަ ޒާތުގައި ފުންވެ ކަނޑަށް ނުކުމެއްޖެއެވެ.
ނަމަވެސް ބޮޑުމަސް ހިމާޔަތްކުރުމުގެ މަސައްކަތްކުރާ ފަރާތްތަކުންވަނީ އެ މަސްތައް އަލުން އަނބުރާ ދެކުނުގެ ރަށެއް ކަމަށްވާ ފެއާވެލް ސްޕިޓަށް ލައްވެދާނެ ކަމަށް އިންޒާރުކޮށްފައެވެ.
ހިލޭ ސާބަހަށް މަސައްކަތްކުރާ ފަރާތްތަކުން މީގެ ކުރިން 100 އަށް ވުރެ ގިނަ ބޮޑުމަސް ފުންކޮށް ފައިވެއެވެ.
ބުރާސްފަތި ދުވަހު އެ ގައުމަށް 400 އަށްވުރެ ގިނަ ބޮޑުމަސް ލައްގާފައިވެއެވެ.
ހިލޭ ސާބަހަށް މަސައްކަތް ކުރާ ގްރޫޕަކުން ވަނީ އަތު ގުޅުވައިގެން ކަރުތާފެނަށް އެރި ބޮޑުމަސްތައް އެއްގަމަށް ލައްވުން ހުއްޓުވަން މަސައްކަތް ކޮށްފައެވެ. ނަމަވެސް އެ މަސައްކަތް ކާމިޔާބުވެފައެއް ނުވެއެވެ.
އަމިއްލަ ޒާތުގައި ފުންވި މަސްތައް ފުންވެފައިވަނީ ހޮނިހިރު ދުވަހުގެ ރޭ ދިޔަވަރު ބޮޑުވުމުންނެވެ.
