ކަރަކަޓައު އަލިފާން ފަރުބަދަ: އަނެއްކާވެސް ބާރު ގޮވުމެއްގެ އިންޒާރު ދީފި

އިންޑޮނީޝިއާގެ އަނަކް ކަރަކަޓައު އަލިފާން ފަރުބަދަ ގޮވާފާނެކަމުގެ އިންޒާރު އަނެއްކާވެސް ދީފިއެވެ.

އިންޑޮނީޝިއާގެ ޑިޒާސްޓަރ މެނޭޖްމަންޓް އޭޖެންސީން ބުނީ ފަރުބަދައިގެ ކުދި ގޮވުންތައް އިތުރުވުމުން އިންޒާރުގެ ލެވެލް ދެއަކުން ތިނަކަށް މައްޗަށް ޖައްސާފައިވާކަމަށެވެ.

ފަރުބަދަ ހިމެނޭ ސަރަހައްދުން ދަތުރުކުރާ ފްލައިޓްތަކުގެ މަގުތައްވަނީ ބަދަލުކޮށްފައެވެ. އަދި ފަރުބަދައިގެ ވަށައިގެން 5 ކިލޯމީޓަރ ސަރައްހައްދު ބޭނުންކުރުންވަނީ މަނާކޮށްފައެވެ.

މީގެ ކުރިން ނުރައްކާތެރި ސަރަހައްދުގެ ގޮތުގައި ކަނޑައޅާފައިވަނީ 2 ކިލޯ މީޓަރެވެ.

ހޮނިހިރު ދުވަހު ސުނާމީ އައިސްފައި ވަނީ ހުކުުރު ދުވަހު އަލިފާން ފަރުބަދަ ގޮވުމަށް ފަހުއެވެ.

އިންޑޮނީޝިއާގެ ޖިއޮލޮޖިކް އޭޖެންސީން ބުނީ ހުކުރު ދުވަހު ފަރުބަދަ ގޮވާފައިވާއިރު ފަރުބަދައިގެ ގޮވުން 12 ސިކުންތައް ދެމިގެންގޮސްފައިވާ ކަމަށާއި ފަރުބަދައިން އެރި ދުމާއި އަޅި 400 މީޓަރަށް މައްޗަށް އެރި ކަމަށެވެ.

ޖާވާއަށާއި ސުމަތްރާއަށް ސުނާމީގެ ބޮޑެތި ރާޅުތައް އަރާފައި ވަނީ ހޮނިހިރު ދުވަހުގެ ރޭ 21:30 ހާއިރުއެވެ

އަނަކް ކަރަކަޓައު އަލިފާން ފަރުބަދަ ގޮވުމާ ގުޅިގެން އުފެދުނު ސުނާމީގައި މަރުވި މީހުންގެ އަދަދު މަދުވެގެން 430 އަށް އަރާފައިވާ ކަމަށް ޑިޒާސްޓަރ މިޓިގޭޝަން އޭޖެންސީ އިން ބުނެއެވެ.