ދުނިޔެ
ލާހޫރު ބޮމުގެ ހަމަލާ
ލާހޫރުގައި ބާރުގަދަ ބޮމެއް ގޮއްވާލާ 11 މީހުން މަރާލައިފި
ހަމަލާ ދީފައިވަނީ ގައިގައި ބޮންހަރުގެންގެންހުރި މީހަކު
އާމިނަތު ނުޒުހާ, ރާއްޖެ އެމްވީ | 13 ފެބުރުއަރީ 2017 | ހޯމަ 23:02
ޕާކިސްތާނުގައި ދިން ބޮމުގެ ހަމަލާ
ޕާކިސްތާނުގެ ލާހޫރުގައި ދިން ބާރުގަދަ ބޮމުގެ ހަމަލާއެއްގައި 11 މީހުން މަރާލައިފިއެވެ.
މި ހަމަލާ ދީފައިވަނީ ގައިގައި ބޮންހަރުގެންގެންހުރި މީހަކު އަމިއްލައަށް މަރުވެގެންނެވެ.
ލާހޫރުގައި މި ހަމަލާދީފައި ވަނީ ހޯމަ ދުވަހު އެތައް ސަތޭކަ ފާމަސިސްޓުންނެއް ކުރަމުން ދިޔަ އިހުތިޖާޖެއްގެ ތެރެއިންނެވެ.
މިހަމަލާގެ ޒިންމާ ނަގާފައިވަނީ ތާލިބާނާ ގުޅިފައިވާ ޖަމާއަތެއް ކަމުގައިވާ ޖަމާއަތުލް އަހްރަރް އިންނެވެ. މިހަމަލާގައި 11 މީހުން މަރުވެފައިވައިރު، 30 ށް ވުރެ ގިނަ މީހުން ޒަޚަމްވެފައިވާ ކަމަށް ރިޕޯޓްތައް ބުނެއެވެ. އޭގެ ތެރޭގައި މުޒާހަރާ ކަވަރު ކުރަމުން ދިޔަ މީޑިއާގެ ފަރާތްތައްވެސް ހިމެނެއެވެ.
