ކ. މާލެ
|
3 ޑިސެންބަރ 2018 | ހޯމަ 19:05
ސުޕްރީމް ކޯޓު
ސުޕްރީމް ކޯޓު
މުހައްމަދު ޝަރުހާން
ސުޕްރީމް ކޯޓު
ސުޕްރީމް ކޯޓު ރިސެސް އަށް ހިނގައްޖެ
 
ރިސެސް އަށް ދިޔައީ އެއްމަސް ދުވަހަށް

އާދިއްތަ ދުވަހުން ފެށިގެން އެއް މަސްދުވަހުގެ މުއްދަތަކަށް ދިވެހިރާއްޖޭގެ ސުޕްރީމް ކޯޓު ރިސެސްއަށް ހިނގަށްޖެއެވެ.

ސުޕްރީމް ކޯޓު ރިސެސްއަށް ދިޔައިރު، ސިވިލް ކޯޓު ވެސް ހޮނިހިރު ދުވަހުން ފެށިގެން މިމަހުގެ 20 ވަނަ ދުވަހުގެ ނިޔަލަށް ވަނީ ރިސެސްގައެވެ.

ކޯޓުތަކުގެ ގާނޫނުގައި އޮންނަ ގޮތުން ސުޕްރީމް ކޯޓުގެ ރިސެސްގެ މުއްދަތަކީ ކޮންމެ އަހަރެއްގެ ނޮވެމްބަރު މަހުގެ ފަހު ހަފުތާގެ ރަސްމީ ފަހު ދުވަހުން ފެށިގެން ޖެހިގެން އަންނަ އަހަރުގެ ޖެނުއަރީ މަހުގެ ފުރަތަމަ ރަސްމީ މަސައްކަތުގެ ދުވަހާ ހަމައަށެވެ.

ރިސެސްގެ މުއްދަތުގައި އާންމު އުސޫލުން ޝަރީއަތްތައް ކުރިއަށް ނުގެންދިޔަ ނަމަވެސް، މައްސަލަތައް ބަލައިގަތުމާއި އިދާރީ ކަންކަން ކޯޓުތަކުގައި ކުރިއަށް ގެންދާނެއެވެ.

ސުޕްރީމް ކޯޓު ރިސެސްގައި އޮތަސް، ގާނޫނުއަސާސީގެ ދަށުން ނުވަތަ ގާނޫނެއްގެ ދަށުން ވަކި މުއްދަތެއްގައި ނިންމަން ޖެހޭ މައްސަލަތައް ނިންމުމާއި އެކަށީގެންވާ އަވަސް މިނެއްގައި މައްސަލަތައް ނިންމުމުގެ ބޭނުމުގައި އަޑުއެހުންތައް ކުރިއަށް ގެންދިއުމުގެ ބާރު ސުޕްރީމް ކޯޓަށް އޮވެއެވެ.

މީގެ އިތުރުން ސުޕްރީމް ކޯޓު ރިސެސްގައި ވަނިކޮށް ކުއްލި ނުރައްކަލުގެ ހާލަތު އިއުލާންކޮށްފި ނަމަ، ރިސެސް ނިމުމަކަށް އަންނާނެ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހްމަދުﷲ ޖަމީލް
0%
0%
0%
0%
0%
0%
ކޮމެންޓް