މެލޭޝިއާގެ ބޮޑުވަޒީރާ ފާރިސް ބައްދަލު ކުރައްވައިފި
2 ޑިސެމްބަރު 2018 | އާދީއްތަ 04:16ފާރިސް މެލޭޝިއާ އަށް ވަޑައިގެންނެވީ ބުރާސްފަތި ދުވަހު
ފާރިސް މަހާތީރާ ބައްދަލު ކުރެއްވުން
ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން އަދި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން މެލޭޝިޔާގެ ބޮޑުވަޒީރު ޑރ މަހާތިރު މުހައްމަދާ ބައްދަލު ކުރައްވައިފިއެވެ.
މައުލޫމާތު ލިބިފައިވާ ގޮތުގައި ޑރ މަހާތީރުއާ ބައްދަލު ކުރެއްވުމަށް ފާރިސް މެލޭޝިއާއަށް ވަޑައިގެންފައިވަނީ ބުރާސްފަތި ދުވަހުގެ ރެއެވެ.
މި ބައްދަލު ކުރެއްވުމާ ގުޅޭގޮތުން ތަފްސީލެއް ހާމަކޮށްފައި ނުވާއިރު، ރައީސް މައުމޫން ކުރައްވާފައިވާ ޓްވީޓެއްގައި ވިދާޅުވީ މެލޭޝިޔާގެ ބޮޑުވަޒީރާ ބައްދަލު ކުރެއްވުމުގެ ފުރުސަތު ފާރިސް އަށް ލިބުމަކީ ފަހުރެއް ކަމަށެވެ. އަދި ފާރިސްއާ ބައްދަލު ކުރައްވާފައިވާތީ ޑރ. މަހާތިރަށް ރައީސް މައުމޫން ވަނީ ޝުކުރު ދަންނަވާފައެވެ.
މި ބައްދަލު ކުރެއްވުމަށްފަހު ފާރިސް އެނބުރި ރާއްޖެ ވަޑައިގަންނަވާނީ ހޮނިހިރު ދުވަހުއެވެ.
