ޤަވާއިދާ ޚިލާފަށް ޕެޓްރޯލް ނުވިއްކުމަށް އިލްތިމާސް ކޮށްފި
28 ނޮވެމްބަރު 2018 | ބުދަ 16:08މިކަމަކީ ވިޔަފާރީގެ އުސޫލާއި ޚިލާފު އަދި ނުރައްކާތެރި ކަމެއްކަމަށް ފުލުހުން ވަނީ ބުނެފައި
ޕެޓްރޯލް ޝެޑެއް
ވިޔަފާރީގެ އުސޫލާއި ޚިލާފަށް ޕެޓްރޯލް ނުވިއްކުމަށް ފުލުހުން އިލްތިމާސް ކޮށްފި އެވެ.
އަންގާރަ ދުވަހު ފުލުހުން ކޮށްފައިވާ ޓްވީޓެއްގައި ވަނީ މިހާރަކަށް އައިސް ޕެޓްރޯލް ވިއްކުމުގެ އުސޫލާއި ޚިލާފަށް މާލެ އާއި ހުޅުމާލޭގައި ޕެޓްރޯލް ވިއްކުމާއި ޑެލިވަރީ ކުރަމުންދާކަން ފާހަގަ ކުރެވިފައިވާ ކަމަށެވެ.
މިކަމަކީ ވިޔަފާރީގެ އުސޫލާއި ޚިލާފު އަދި ނުރައްކާތެރި ކަމަކަށް ވާތީ ޕެޓްރޯލްގެ ވިޔަފާރި އެގޮތަށް ނުކުރުމަށް އިލްތިމާސް ކުރާކަމަށެވެ.
ފުލުހުން މިގޮތަށް އިލްތިމާސް ކޮށްފައިވާއިރު މި ދުވަސް ވަރަކީ މާލެ އާއި ހުޅުމާލޭގައި ރޭގަނޑު ދަންވަރު ވަގުތު ތަކުގައި ގަވާއިދާ ޚިލާފަށް ގޭގޭގައި ވެސް ބޮޑު އަގުގައި ޕެޓްރޯލް ވިއްކަމުންދާ ދުވަސްވަރެކެވެ.
އަދި ދަންވަރުގެ ވަގުތު ތަކުގައިވެސް ޕެޓްރޯލް ޑެލިވަރ ކޮށްދިނުން ވަނީ އާންމު ކަމަކަށް ވެފައެވެ.
