167 ވަގު ޓިކެޓް ވިއްކި މައްސަލާގައި ކުންފުނީގެ ވެރިޔާ ހައްޔަރުކޮށްފި
26 ނޮވެމްބަރު 2018 | ހޯމަ 07:13މިމައްސަލާގައި ހައްޔަރުކުރީ ސަމްހާ ކުންފުނީގެ ވެރިޔާ
އުމްރާ ދަތުރުވެރިން ފުލުހުންގެ މައި އިދާރާގައި -- ރާއްޖެއެމްވީ
އަސްކޮއި ޖަމާއަތުގެ ފަރާތުން ނޮވެމްބަރު އަދި ޑިސެމްބަރ މަހުގައި އުމްރާއަށް ދާން ފައިސާ ދެއްކި މީހުންގެ ތެރެއިން 167 މީހުންގެ ޓިކެޓު އޮޅުވާލި މައްސަލާގައި އެ ގްރޫޕަށް ޓިކެޓް ވިއްކި ސަމްހާ އިންޓަނޭޝަނަލް ކުންފުނީގެ ވެރިޔާ ހައްޔަރުކޮށްފި އެވެ.
މައުލޫމާތު ލިބޭ ގޮތުގައި އެމައްސަލާގައި ހައްޔަރު ކޮށްފައިވަނީ، ސަމްހާ އިންޓަނޭޝަނަލް ކުންފުނީގެ ވެރިޔާ ކ. ގުޅި ރޯޒްމީޑް، ހަސަން ނިޝާނެވެ. އޭނާ ހައްޔަރުކޮށްފައިވަނީ ހޯމަ ދުވަހުގެ ހެނދުނު ސްރީލަންކާ އަށް ފުރަން މަސައްކަތް ކުރަނިކޮށް އައްޑޫ އިންނެވެ.
ނަމަވެސް މިމައްސަލައާ ގުޅޭގޮތުން ފުލުހުންގެ މީޑިއާ އޮފިސަރު ފޯނުނަންގަވާތީ ބަހެއް ވަނީ ލިބޭ ގޮތް ނުވެފައެވެ.
ވަގު ޓިކެޓްތަކެއް ވިއްކާފައިވާ އެނގުނީ އާދިއްތަ ދުވަހުގެ މެންދުރުފަހު 1:00 ގައި 48 މީހުން ފުރުމަށް އެއާޕޯޓަށް ދިއުމުންނެވެ. އަދި އެއާރޕޯޓަށް ދަތުރުވެރިން ދިޔުމުން ޓިކެޓު ނަގާފައި ނެތްކަމަށް އެއަރލައިނުން ބުނުމުން ފުރޭ ގޮތް ވެސް ވަނީ ނުވެފައެވެ.
އަސްކޮއި ޖަމާއަތުން ބުނީ ޓިކެޓް ނެގުމުގައި ބޮޑު އޮޅުވާލުމެއްވާ ކަމަށާއި ޓިކެޓް ނަގާފައިވަނީ ސަމްހާ އިންޓަނޭޝަނަލް މެދުވެރިކޮށްކަމަށެވެ.
އަސްކޮއި ޖަމާއަތުގެ ފަރާތުން އާދިއްތަ ދުވަހުގެ ހެނދުނު ވަނީ 48 މީހުން ފުރާފައެވެ. މިމައްސަލަ ފުލުހުން ތަހުގީގު ކުރަމުންދާއިރު، އެ ޖަމާއަތުން ބުނީ އާދިއްތަ ދުވަހުގެ އިރުއޮއްސި 6 ޖެހުމުގެ ކުރިން ޓިކެޓައްވާ ފައިސާ ދައްކާނެ ކަމަށާއި، މި ހަފްތާ ފަހުކޮޅު އެ އެންމެންނަށް ވެސް ފުރޭނެ ގޮތް ހަމަޖެހޭނެ ކަމަށެވެ.
