ބުރާސްފަތި 13 އޯގަސްޓު 2020
03 މާ
1441 ޒުލްޙައްޖު 23
ފަތިސް 04:48
އިރުއަރާ 06:01
މެންދުރު 12:15
އަސްރު 15:30
އިރުއޮއްސޭ 18:21
އިޝާ 19:34
އޭއެފްސީ ކަޕް

ރަނގަޅަށް ނުކުޅެވުނީ މޫސުމުގެ މައްސަލަ ދިމާވުމުން: ތިމްޕޫގެ ކޯޗު

  • ކައިރީގައި ދެ ލަނޑު ބައިކޮޅަށް ވަނީ އެޓޭކްކުރަން މަސައްކަތްކުރުމުން: ޝެރިންގް
  • ވެލެންސިއާ މޮޅުވުން ހައްގު: ޝެރިންގް
  • ހޫނުވުމުން އެ މައްސަލަ ކުޅުންތެރިންނަށް ދިމާވި: ޝެރިންގް

ކ. މާލެ | 8 ފެބްރުއަރީ 2017 | ބުދަ 01:11 | 2,021

ތިމްޕޫގެ ކޯޗު ޝެރިންގް - މުހައްމަދު ޝަރުހާން

އޭއެފްސީ ކަޕްގެ ޕްރިމިލިނަރީ ބުރުގައި ވެލެންސިއާ އަތުން 0-3 ގެ ނަތީޖާއިން ބަލިވި މެޗުގައި ކުޅުންތެރިންނަށް ރަނގަޅަށް ނުކުޅެވުނީ މޫސުމުގެ މައްސަލަ ދިމާވުމުން ކަމަށް ތިމްޕޫ ސިޓީ އެފްސީގެ ކޯޗު ޕީ ޝެރިންގް ބުނެފި އެވެ.

މެޗަށްފަހު ނޫސްވެރިންނަށް މައުލޫމާތު ދެމުން ޝެރިންގް ބުނީ ތިމްޕޫގެ ކުޅުންތެރިންގެ ފަރާތުން ރަނގަޅު ކުޅުމެއް ފެނުނު ކަމަށާއި، އެހެންނަމަވެސް ހޫނުގެ މައްސަލަ ކުޅުންތެރިންނަށް ދިމާވި ކަމަށެވެ. އޭގެ ސަބަބުން ކުޅުންތެރިންގެ އަސްލު ކުޅުން ފުރަތަމަކޮޅު ނުދެއްކުނު ކަމަށްވެސް އޭނާ ވަނީ ބުނެފައެވެ.

ޝެރިންގް ބުނީ މެޗުން ވެލެންސިއާ މޮޅުވުން ހައްގު ކަމަށާއި، މޮޅުވާން އެޓީމުން ވަރަށް މަސައްކަތްކުރި ކަމަށެވެ. އެހެންނަމަވެސް އޭނާ ބުނީ މި މެޗުން ވަރަށް ރަނގަޅު ތަޖުރިބާއެއް ކުޅުންތެރިންނަށް ލިބިފައިވާ ކަމަށާއި ކުރިޔަށް އޮތް ތަނުގައި ރަނގަޅުވާނެ ކަމަށެވެ.

މީގެއިތުރުން އޭނާ ބުނީ ކައިރި ކައިރީގައި ދެ ލަނޑު ބައިކޮޅަށް ވަނީ ވެލެންސިއާ އިން ކާމިޔާބުކުރި ފުރަތަމަ ލަނޑާއެކު އެޓޭކްކުރަން މަސައްކަތް ކުރުމުން ކަމަށެވެ. އެގޮތުން ވެލެންސިއާ އިން ކާމިޔާބުކުރި ދެވަނަ ލަނޑަކީވެސް ކައުންޓާ އެޓޭކަށް އެރިވަގުތު ކާމިޔާބުކުރި ލަނޑެއް ކަމަށެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.