ފޮރިން މިނިސްޓްރީގެ ދެ މަޤާމަކަށް ބޭފުޅުން އައްޔަން ކުރައްވައިފި
22 ނޮވެމްބަރު 2018 | ބުރާސްފަތި 14:02ފޮރިން މިނިސްޓްރީގެ ސްޓޭޓް މިނިސްޓަރުކަމަށް އައްޔަން ކުރެއްވީ އަޙުމަދު ޚަލީލް
ފޮރިން މިނިސްޓްރީގެ އިސް ދެ މަޤާމަކަށް އައްޔަން ކުރެއްވި ބޭފުޅުން
މިނިސްޓްރީ އޮފް ފޮރިން އެފެއާޒްގެ ދެ މަޤާމަކަށް ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިހް ބޭފުޅުން އައްޔަންކުރައްވައިފިއެވެ.
ބުރާސްފަތި ދުވަހު ފޮރިން މިނިސްޓްރީގެ ސްޓޭޓް މިނިސްޓަރުކަމަށް އައްޔަން ކުރެއްވީ ކުރިން އެ މިނިސްޓްރީގެ ބައިލެޓްރަލް ސެކްރެޓަރީގެ މަޤާމުގައި ހުންނެވި އަޙުމަދު ޚަލީލެވެ.
މީގެ އިތުރުން ރައީސް ސޯލިހް ވަނީ ފޮރިން ސެކްރެޓަރީގެ މަޤާމަށް އަބްދުލްޣަފޫރު މުޙައްމަދު އައްޔަން ކުރައްވާފައެވެ. ޢަބްދުލްޣަފޫރަކީ ކުރިން އދއަށް ކަނޑައަޅުއްވާފައި ހުންނަވާ ދިވެހި ސަފީރުގެ މަޤާމުވެސް އަދާކުރައްވާފައިވާ ބޭފުޅެކެވެ.
ފޮރިން މިނިސްޓްރީގެ އިސް ދެ މަޤާމަކަށް ބޭފުޅުން ހަމަޖައްސާފައިވާއިރު، ބުރާސްފަތި ދުވަހު ރައީސް ސޯލިހު ވަނީ ބައެއް އެހެން މިނިސްޓްރީތަކުގެ އިސް މަޤާމުތަކަށްވެސް ބޭފުޅުން އައްޔަން ކުރައްވާފައެވެ.
