ދަރަވަންދޫ ނެރުމައްޗަށް އެރި ސަފާރީ އަކަށް އެމްއެންޑިއެފުން އެހީތެރިކަން ފޯރުކޮށްދީފި
20 ނޮވެމްބަރު 2018 | އަންގާރަ 12:59އެއްވެސް މީހަކަށް ގެއްލުމެއް ލިބިފައިނުވޭ
ފަރަށް އެރި ސަފާރީ - މި ހާދިސާގައި އެއްވެސް މީހަކަށް ގެއްލުމެއްނުވޭ
ފަތުރުވެރިންތަކެއް ގޮވައިގެން ދަތުރުކުރި ބްލޫ ލެގޫން ނަމަކަށް ކިޔާ ސަފާރީއެއް ނެރުމައްޗަށް އެރުމާއި ގުޅިގެން އެމްއެންޑީއެފް އިން އެހީތެރިކަން ފޯރުކޮށްދީފިއެވެ.
ޖުމްލަ ހަތާވީސް މީހުން ދަތުރުކުރި ސަފާރީ ބ. ދަރަވަންދޫ ނެރުމައްޗަށް އެރި ކަމުގެ މައުލޫމާތު ލިބުމާއި އެކު އެމްއެންޑީއެފްގެ ނޮދަން އޭރިޔާގެ ކޮސްޓް ގާޑް ހަރައްކާތެރިވެ މީހުން ސަލަމަތް ކޮށްފައިވާ ކަމަށް އެމްއެންޑިއެފް އިން މައުލޫމާތުދޭއެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވޭއެވެ.
ސަފާރި ފުންކުރުމުގެ މަސައްކަތް ވެރިފަރާތުން ކުރަމުންދާކަމަށާއި މީގެ އިތުރުން ވެރިފަރާތަށް ބޭނުންވާ އެހީތެރިކަން ފޯރުކޮށްދިނުމަށް އެމްއެންޑީއެފްގެ ޑައިވަރުން ދަނީ ހަރަކާތްތެރިވަމުންވެސް އެ އިދާރާއިން ބުނެ އެވެ.
އޭގެއިތުރުން ސ. ހިތަދޫ ކައުޝަރު ކިޔާ ގެއެއްގައި ހުރި ޓިނު ބަދިގެއްގައި މިއަދު ހެނދުނު 06:03 ހާއިރު ހިނގި އަލފާނުގެ ހާދިސާގައި ބަދިގެޔަށް ބޮޑެތި ގެއްލުންތަކެއްލިބިފައިވާކަމަށް އެމްއެންޑީއެފުން ބުނެ އެވެ. އަދި އެމްއެންޑީއެފް ސަދަން އޭރިޔާގެ ފަޔާސްޓޭޝަނުން އަލިފާން ގަނޑު ނިއްވާލާފައި ވަނީ 06:28 ހާއިރުއެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށް އެމްއެންޑީއެފް އިން ބުނޭއެވެ.
