އެއަރބީއެންބީ އިން ހުޅަނގު އައްސޭރި އުނިކުރަނީ
21 ނޮވެމްބަރު 2018 | ބުދަ 08:46ހުޅަނގު އައްސޭރީގައި އިސްރާއީލުން ގެދޮރު އަަޅަނީ ގާނޫނާ ޚިލާފަށް
އެއަރބީއެންބީގެ ލިސްޓުން ހުޅަނގު އައްސޭރި ވަކިކުރީ ފާޑުކިޔުންތަކުގެ ސަބަބުން | އަލްޖަޒީރާ
އިސްރާއީލުން ހިފާފައިވާ ހުޅަނގު އައްސޭރީގެ ބިމުގައި ހުރި ގެތައް އެއަރބީއެންބީގެ ލިސްޓުން ވަކިކުރުމަށް ނިންމާފައިވާކަމަށް އެ ކުންފުނިން ބުނެފިއެވެ.
އެމެރިކާގެ ކުންފުންޏެއްކަމަށްވާ އެއަރ ބީއެންބީއިން ބުނީ އެ ގޮތަށް އެކަން ކުރުމަށް ނިންމީ އެތަނުގައި ގެދޮރު އާބާދުކުރި މައްސަލައަކީ ޚިލާފު އުފެދިފައިވާ މައްސަލައަކަށްވާތީ ކަމަށެވެ.
ހުޅަނގު އައްސޭރީގައި އިސްރާއީލުން ގެދޮރު ބިނާކޮށްފައިވަނީ ބައިނަލްއަޤްވާމީ ގާނޫނުތަކާ ޚިލާފަށްނަމަވެސް އިސްރާއީލުން އެކަން ގަބޫލެއްނުކުރެއެވެ.
އިސްރާއީލުންވަނީ އިތުރު 1،000 ގެ ހުޅަނގު އައްސޭރީގައި ބިނާކުރުމުގެ ޕްލޭނެއްވެސް ހަދާފައެވެ.
ހުޅަނގު އައްސޭރީގެ ގެތައް ކުއްޔަށް ދިނުމަށް އެއަރބީއެންބީގައި ޖަހައިދޭތީ އިންސާނީ ހައްގުތަކަށް މަސައްކަތްކުރާ ފަރާތްތަކާއި ފަލަސްތީނުގެ އޮފިޝަލުން މީގެ ކުރިންވަނީ ފާޑުކިޔާފައެވެ.
އެއަރބީއެންބީއިން ނެރުނު ބަޔާނެއްގައި ބުނެފައިވަނީ އެފަދަ ޓެރިޓަރީތަކުގެ ވިޔަފާރީގައި ބައިވެރިވުމަށް އެމެރިކާގެ ގާނޫނުތަކުން ހުއްދަކުރާކަމަށެވެ.
ހަމައެއާއެކު ދުނިޔޭގެ އެކި ޖަމާއަތްތަކުން ގޮވާލަމުންދަނީ އެފަދަ ބިންތަކުގެ އަސްލު ވަޒަންވެރިން އެތަންތަނުން ނެރެލެވިފައިވާ ބިންތަކުގައި ވިޔާފާރިކޮށް އެތަންތަނުން ފައިދާ ނުހޯދުމަށްކަމަށް އެއަރބީއެންބީއިން ނެރެފައިވާ ބަޔާނެއްގައިވެއެވެ.
