ސިވިލް ސާވީސް ކޮމިޝަންގެ މެމްބަރުކަމަށް ކުރިމަތިލުމުގެ ފުރުސަތު ހުޅުވާލައިފި
ފުރުސަތު ހުޅުވާލާފައި ވަނީ މި މަހު 22 ވާ ބުރާސްފަތި ދުވަހުގެ މެންދުރު 02:00 ގެ ނިޔަލަށް
ސިވިލް ސާވީސްގެ ކޮމިޝަންގެ އިސް ބޭފުުޅުން ބައިވެރިވާ ބައްދަލުވުމެއް
ސިވިލް ސާވީސްގެ މެމްބަރެއްގެ މަގާމު ހުސްވަތީ އެ ކޮމިޝަންގެ މެމްބަރަކަމަށް ކުރިމަތިލުމުގެ ފުރުސަތު އާދީއްތަ ދުވަހު ހުޅުވާލައިފި އެވެ.
ސިވިލް ސާވީސް ކޮމިޝަންގެ މެމްބަރުކަމަށް ކުރިމަތުލުމުގެ ފުރުސަތު އާދިއްތަ ދުވަހުން ފެށިގެން މި މަހު 22 ވާ ބުރާސްފަތި ދުވަހުގެ މެންދުރު 02:00ގެ ނިޔަލަށް ހުޅުވާލާފައިވާ ކަމަށް އެ ކޮމިޝަން އިން ނެރުނު ބަޔާނުގައިވެއެވެ.
ކޮމިޝަންގެ މެމްބަރެއްގެ ހުންނަން ޖެހޭ ޝަރުތުތަކުގެ ތެރޭގައި އުމުރުން 30 އަހަރުވެފައިވާ ދިވެހިރައްޔިތެއް ކަމުގައި ވާންޖެހޭއެވެ. ތައުލީމީ ޝަރުތުތަކުގެ ތެރޭގައި ޑިގްރީ ހާސިލްކުރުމަށް ފަހު ސަރުކާރު ނުވަތަ ސަރުކާރު ނޫން ފަރާތެއްގައި ހިންގުމުގެ ދާއިރާއިން މަދުވެގެން 10 އަހަރު ވާންޖެހޭ ކަމަށް ކޮމިޝަން އިން ބުނެއެވެ.
މި މަގާމަށް ކުރިމަތިލުމަށް ފޯމް ހުށައަޅުއްވަން ޖެހެނީ ސަރުކާރު ބަންދު ނޫން ކޮންމެ ދުވަހެއްގެ ހެނދުނު 08:30 އިން މެންދުރު ފަހުން 2:00 އާއި ދެމެދު ރައްޔިތުންގެ މަޖިލީހުގެ އިދާރާއަށެވެ.
