ކުންފުނިތަކުގެ ވެރިން ގެންދަވަނީ އިސްތިއުފާ ދެއްވަމުން
އަބްދުއްރައްޒާގު ހަލީމު ވާހަދަ ދައްކަވަނީ: އޭނާ ވަނީ މިއަދު އިސްތިއުފާ ދެއްވާފައި
މި ސަރުކާރުގެ ފަސް އަހަރުގެ ދައުރު ހަމަވާތީ މޯލްޑިވްސް ޕޯޓްސް ލިމިޓެޑްގެ ޗީފް އޮޕަރޭޓިންގ އޮފިޝަރ (ސީއޯއޯ) އަބްދުއް ރައްޒާގު ހަލީމް ވެސް އިސްތިއުފާ ދެއްވައިފިއެވެ.
ޕްރައިވެޓައިޒޭޝަން ބޯޑުގެ ރައީސް މުހައްމަދު ނިޒާރު ވިދާޅުވީ ހަލީމް އިސްތިއުފާދެއްވާފައި ވަނީ މިއަދު ކަމަށެވެ. ހަލީމް އިސްތިއުފާދެއްވުމާ ގުޅިގެން ކުންފުނި ހިންގެވުމާ ހަވާލުކުރެވިފައި ވަނީ އެސިސްޓެންޓް ސީއީއޯ ރާބިހް މުހައްމަދާ ކަމަށް ނަޒީރު ވިދާޅުވިއެވެ.
ހަލީމް ވަނީ ރައީސް އަބްދުﷲ ޔާމީންގެ ސަރުކާރުގައި އެމްޓީސީސީ އާއި އެމްއާރުޑީސީ ވެސް ހިންގަވާފައެވެ.
ހަލީމްގެ އިތުރުން ސަރުކާރުގެ ކުންފުނިތަކުގެ އިސް ވެރިން ގެންދަވަނީ އިސްތިއުފާ ދެއްވަމުންނެވެ. އެގޮތުން އެމްއޭސީއެލްގެ އެމްޑީގެ މަގާމުން އާދިލް މޫސާ ވެސް ވަނީ އިސްތިއުފާ ދެއްވާފައެވެ.
