އެހެން ވިދާޅުވީ ގައުމީ ދުވަހުގެ މުނާސަބަތުގައި
އިންތިހާބީ ރައީސް ކުޑަކުދިންނާ ސަލާމްކުރައްވަނީ
އަންނަން އޮތް ޖީލުތަކަށް ރާއްޖެ ވާސިލުކޮށްދިނުމަކީ އަޅުގަނޑުމެންގެ ޒިންމާއެއް ކަމަށް އިންތިހާބީ ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
އުމްރާއަށް ސައުދީ އަރަބިއްޔާއަށް ވަޑައިގެން ހުންނެވި ރައީސް ސޯލިހު ކުރެއްވި ޓްވީޓެއްގައި ގައުމީ ދުވަހުގެ ތަހުނިޔާ ފޮނުއްވަމުން ވިދާޅުވީ ދިވެހި ގައުމިއްޔަތާއި މިނިވަންކަމުގެ ދިފާއުގައި ބޮޑުތަކުރުފާނު ކުރެއްވި އަގުހުރި މަސައްކަތް މިއަދު ހަނދާންކުރަންޖެހޭ ކަމަށެވެ.
ކޮންމެ އަހަރެއްގެ ރަބީއުލް އައްވަލް މަހުގެ 1 ވަނަ ދުވަސް ގައުމީ ދުވަހުގެ ގޮތުގައި ފާހަގަ ކުރަނީ ޕޯޗްގީޒުންގެ އަތް ދަށުން ބޮޑު ތަކުރުފާނު ރާއްޖެ ސަލާމަތްކުރެއްވި ޒިކުރާ އާކުރުމުގެ ގޮތުންނެވެ. ޕޯޗުކީޒުންގެ އަޅުވެތިކަމުގައި 15 އަހަރާއި ހަ މަސް ވަންދެން، ރާއްޖެ އޮތް އޮތުން ނިމުމަކަށް ގެނައީ ތިލަދުންމަތީ އުތުރުބުރީ ޙުސައިން ތަކުރުފާނުގެ ދަރިކަލުން ޣާޒީ މުޙަންމަދު ތަކުރުފާނު ނުވަތަ ބޮޑު ތަކުރުފާނެވެ. ޕޯޗުކީޒުންގެ އަތްދަށުން ރާއްޖެ މިނިވަންވީ 981 ވަނަ އަހަރުގެ ރަބީޢުލްއައްވަލް މަހުގެ 1 ވަނަ ވިލޭރެއެވެ.
