'ބަދާއީ ހޯ' ސަތޭކަ ކްރޯޑް ކުލަބަށް!
މި ފިލްމް ވެގެން ގޮސްފައިވަނީ އަޔުޝްމަންގެ ވެސް އެންމެ ކާމިޔާބު ފިލްމަށް
\'ބަދާއީ ހޯ\' ގެ ޕޯސްޓަރު
މިދިޔަ އޮގްސްޓް މަހުގެ 18 ވަނަ ދުވަހު ރިލީޒް ކުރި ފިލްމް "ބަދާއީ ހޯ" ބޮކްސް އޮފީހުގައި ސަތޭކަ ކްރޯޑް ކްލަބަށް ވަދެއްޖެއެވެ.
އަމިތް ޝަރްމާ ޑައިރެކްޓްކޮށްފައިވާ މި ފިލްމަކީ މެދު އުމުރުގެ ދެމަފިރިންގެ ދިރިއުޅުމުގައި ދިމާވާ ހެއްވާ މަޖާކަންތައްތަކެއްގެ މައްޗަށް ތައްޔަރު ކޮށްފައިވާ ފިލްމެކެވެ.
މިފިލްމުގައި އަޔުޝްމަންގެ އިތުރުން ދެން ފެނިގެން ދަނީ ސަނާޔާ މަލޯތްރާ، ނީނާ ގުޕްތާ އާއި ސުރޭޚާ ސިކްރީ، ގަޖްރާޖް ރާއޯ އަދި ޝީބާ ޗައްދާއެވެ. މި ފިލްމް ޑައިރެކްޓް ކޮށްފައި ވަނީ އަމިތް ޝަރްމާއެވެ.
މިފިލްމް ވެގެން ގޮސްފައި ވަނީ އަޔުޝްމަން ކުޅުނު ފިލްމް ތަކުގެ ތެރެއިން ބޮކްސް އޮފީހުގައި އެންމެ ބޮޑު ކާމިޔާބީ ލިބިގެން ދިޔަ ފިލްމަށެވެ.
މިފިލްމް ރިލީޒް ކުރުމުގެ ކުރިން "ނޯފިލްޓަރ ނިހާ" ރޭޑިއޯ ޝޯގައި އަޔުޝްމަން ބުނެފައި ވަނީ އެ ފިލްމަށް ބޮކްސް އޮފީހުގައި މަދުވެގެން 60 ކޯރޯޑް ލިބިގެން ދާނެ ކަމަށް އުއްމީދު ކުރާ ކަމަށެވެ.
