12 މެމްބަރުންނަށް ޕްރައިމަރީއާ ނުލާ ޓިކެޓް ދޭނެކަމަށް ރައީސް ނަޝީދު ވިދާޅެއް ނުވޭ: ބައެއް މެމްބަރުން
5 ނޮވެމްބަރު 2018 | ހޯމަ 11:13އެމްޑީޕީގެ އެއްވެސް މީހަކަށް ޕްރައިމަރީއަކާ ނުލައި ޓިކެޓެއް ނުލިބޭނެ ކަމަށް ޝިފާޒު ވިދާޅުވި
12 މެމްބަރުން ރައީސް ނަޝީދާއި މިއަދު ހެނދުނު ބައްދަލު ކުރައްވަނީ
ގޮނޑި ގެއްލުނުކަމަށް ކުރިން އިލެކްޝަންސް އިން ބުނި ރައްޔިތުންގެ މަޖިލީހުގެ 12 މެމްބަރުންނަށް ޕްރައިމަރީއާ ނުލާ ޓިކެޓް ދޭނެކަމަށް ރައީސް ނަޝީދު ވިދާޅު ނުވާކަމަށް ބައެއް މެމްބަރުން ވިދާޅުވެއްޖެއެވެ.
12 މެމްބަރުންނަށް ޕްރައިމަރީއާ ނުލާ ގޮނޑި ދޭނެކަމަށް ވިދާޅުނުވާކަމަށް ބައެއް މެމްބަރުން ރާއްޖެ.އެމްވީއަށް މައުލޫމާތު ދެމުން ވިދާޅުވިއެވެ. މެމްބަރަކު ރައީސް ނަޝީދާއި 12 މެމްބަރުން ބައްދަލު ކުރައްވައި ކޯލިޝަނުން ގޮނޑިތައް ބެހިގެންދާއިރު އެ ގޮނޑިތައް ދާއިރާތައް ބެހިގެންދާނެ ގޮތްތަކާއި ގުޅޭގޮތުން މަޝްވަރާ ކޮށްފައިވާކަމަށެވެ. އަދި އެކަމުގައި ހުރި ކަންބޮޑުވުން ރައީސް ނަޝީދާއި ހިއްސާ ކުރައްވާފައިވާނެކަމަށް އޭނާ ވިދާޅުވިއެވެ.
އެހެން ނަމަވެސް އޭގެތެރެއިން ބައެއް މެމްބަރުން ވިދާޅުވީ ޕްރައިމަރީއަކާ ނުލައި މެމްބަރުންނަށް ގޮނޑި ލިބޭނެކަމަށް ރައީސް ނަޝީދު ވިދާޅުވިކަމަށެވެ. އޭގެ ތެރޭގައި ދިއްދޫ ދާއިރާގެ މެމްބަރު އަބްދުލް ލަތީފު ހިމެނިވަޑައިގަންނަވައެވެ.
މިކަމާއި ގުޅިގެން އެމްޑީޕީގެ ނައިބު ރައީސް މުހައްމަދު ޝިފާޒާއި ސުވާލު ކުރުމުން އެކަމަށް ކޮމެންޓެއް ނުކުރެއްވިއެވެ. އެހެން ނަމަވެސް ވިދާޅުވީ އެމްޑީޕީގެ ޓިކެޓްގައި ވާދަކުރައްވާ އެއްވެސް ބޭފުޅަކަށް ޕްރައިމަރީއަކާ ނުލައި ޓިކެޓް ނުލިބޭނެ ކަމަށް އެޕާޓީން ނިންމާފައިވާކަމަށެވެ.
މިދިޔަ އަހަރު ގޮނޑި ގެއްލިފައިވާކަމަށް ރައްޔިތުންގެ މަޖިލީހުން ކަނޑައެޅި 12 މެމްބަރުންގެ ގޮނޑި ނުގެއްލޭކަމަށް ސުޕްރީމް ކޯޓުން ނިންމާފައިވަނީ މިދިޔަ މަހުގެ ތެރޭގައެވެ.
