ބޮލީވުޑްގެ ތަރި ސިދާތް މަލޯތްރާ ދަނީ މިލަޕް ޒަވޭރީގެ ފިލްމް "މަރްޖާވާން" ކުޅުމަށް ތައްޔާރު ވަމުންނެވެ.
ފިލްމްގެ ފުރަތަމަ ޕޯސްޓާރު ޓްވިޓާގައި ހިއްސާކޮށް އޭނާ ވަނީ އެ ފިލްމް ކުޅެން ތައްޔާރުވަމުންދާކަން އިއުލާން ކޮށްފައެވެ. މި ފިލްމްގައި މަސައްކަތް ކުރުމަށް އެކްސައިޓެޑް ވެފައި ހުރި ކަމަށް އޭނާ ވަނީ ބުނެފައެވެ.
މި ފިލްމިގެ ޕޯސްޓަރުގައި ލިޔެފައިވަނީ "އިޝްގުމޭ މަރޭންގޭ ބީ، މާރޭންގޭ ބީ" އެވެ. މި ބަސްކޮޅުން ދެހަވަނީ މި ފިލްމަކީ ލޯބީގެ ވާހަކައެއްގެ މައްޗަށް ތައްޔާރު ކުރާ ފިލްމެއް ކަމެވެ.
މި ފިލްމް ރިލީޒް ކުރުމަށް ހަމަޖެހިފައިވަނީ 2019 ވަނަ އަހަރުގެ އޮކްޓޯބަރު މަހުގެ 2 ވަނަ ދުވަހު އެވެ.
މި ފިލްމްގައި ސިދާތް އާއި އެކު ރިތޭޝް ދޭޝްމުކް ވެސް ފެނިގެންދާނެއެވެ.
މި ފިލްމަކީ ސިދާތް އާއި ރިތޭޝް ދޭޝްމުކް އެކުގައި ކުޅޭ ދެވަނަ ފިލްމެވެ. މި ދެތަރިން އެކުގައި 2014 ވަނަ އަހަރު ރިލީޒް ކުރި ފިލްމް "އޭކްވިލަން" އިން ވަނީ ފެނިގެން ގޮސްފައެވެ.
މި ފިލްމްގައި "ސްޓޫޑެންޓް އޮފް ދަ އިޔާ 2" ގައި ޓައިގާ ޝްރޯފް އާއި އެކު ބޮލީވުޑަށް އަލަށް ތަޢާރަފް ވެގެންދާ ތަރި ތާރާ ސުތޭރިއާ ވެސް ފެނިގެން ދާނެއެވެ.
އުމުރުން 33 އަހަރުގެ ސިދާތް މިހާރު މަސައްކަތް ކުރަމުންދާ އިތުރު ފިލްމަކަށް ބަލާއިރު ޕަރިނީތީ ޗޯޕްރާ އާއި އެކު ފެނިގެންދާ ފިލްމް "ޖަބަރިޔާ ޖޯޅީ" ހިމެނެއެވެ.
މި ދެތަރިން ވެސް ވަނީ 2014 ވަނަ އަހަރު ރިލީޒް ކުރި ރޮމޭންޓިކް ކޮމެޑީ ފިލްމް "ހަސީތޯ ޕަސީ" އިން ފެނިގެން ގޮސްފައެވެ.
"ޖަބަރިޔާ ޖޯޅީ" އަކީ ޕްރަޝާންތް ސިންގް ޑައިރެކްޓް ކުރާ ފިލްމެކެވެ.
