ރައްޔިތުންގެ މަޖިލީހުގެ ޗެމްބަރަށް ފެން ލީކްވަމުންދާތީވެ، މިއަދު ހެނދުނު 9:00 ގައި ފެށުމަށް ތާވަލްކޮށްފައިވާ ޖަލްސާ ފެށުން ލަސްވެއްޖެ އެވެ.
ރާއްޖެއެމްވީއަށް މައުލޫމާތު ދެއްވި އޮފިޝަލަކު ވިދާޅުވި ގޮތުގައި ފެން ލީކްވުމުގެ މައްސަލަ ދަނީ ހައްލުކުރަމުންނެވެ.
މިއަދުގެ ޖަލްސާއަށް އެޖެންޑާކޮށްފައިވަނީ އޮޑިޓަރ ޖެނެރަލް އޮފީހުގެ އަންނަ އަހަރުގެ ބަޖެޓާއި، ރައްޔިތުންގެ މަޖިލީހުގެ ގަވާއިދަށް ގެންނަ ބަދަލެއް ފާސްކުރުމެވެ.
މިއަދު ބާއްވަނީ ރައްޔިތުންގެ މަޖިލީހުގެ ތިން ވަނަ ދައުރުގެ ތިން ވަނަ ޖަލްސާ އެވެ.
ޕާކިސްތާނުގެ ސަރުކާރުގެ އެހީގައި އިމާރާތްކޮށްފައިވާ މަޖިލީހުގެ އިމާރާތުން ފެން ލީކްވުމާއި ކަރަންޓްގެ މައްސަލަ ދޭތެރެ ދޭތެރެއިން ދިމާވެ އެވެ.
މިއަދު މަޖިލީހުގެ އިދާރާއަށް ފެންލީކްވަމުން ދަނީ، ރޭ މެންދަމުން ފެށިގެން މެދުކެނޑުމެއް ނެތީ މާލެ އަށް ބޯކޮށް ވާރޭ ވެމުންދާތީ އެވެ.
