ކ. މާލެ
|
22 އޮކްޓޯބަރ 2018 | ހޯމަ 18:43
ޤާނޫނީ ވަކީލް އަލީ ހުސެއިން: އޭނާ ވަނީ ފަސް މަހަށް ސަސްޕެންޑްކޮށްފައި
ޤާނޫނީ ވަކީލް އަލީ ހުސެއިން: އޭނާ ވަނީ ފަސް މަހަށް ސަސްޕެންޑްކޮށްފައި
މުހައްމަދު ޝަރުހާން
އަލީ ހުސެއިން
ޤާނޫނީ ވަކީލް އަލީ ހުސެއިިން ފަސް މަހަށް ސަސްޕެންޑްކޮށްފި
 
އަލީ ހުސެއިން ސަސްޕެންޑްކުރީ ވީނިއުސްއަށް ދެއްވި އިންޓަވިއުއަކާ ގުޅިގެން

ޤާނޫނީ ވަކީލް އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން އަނެއްކާ ވެސް ސަސްޕެންޑްކޮށްފިއެވެ. 

އަލީ ހުސެއިން ސަސްޕެންޑްކޮށްފައި ވަނީ ވީނިއުސްއަށް ދެއްވި އިންޓަވިއުއަކާ ގުޅިގެންނެވެ. އެގޮތުން އެ ނޫހަށް ދެއްވި އިންޓަވިއުއެއްގައި ގޮނޑިއާ މެދު ސުޕްރީމް ކޯޓުން ނިންމަންޖެހޭ ނިންމުމެއް ނެތް ކަމަށް އަލީ ހުސެއިން ވިދާޅުވި ކަމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަނުން ބުންޏެވެ. 

އެ ޑިޕާޓްމެންޓުން ބުނީ އެ މައްސަލަ ބެލުމަށް ފަހު، އެ އަމަލަކީ "ދިވެހިރާއްޖޭގެ ކޯޓުތަކުގައި ވަކާލާތުކުރާ ޤާނޫނީ ވަކީލުންނާ ބެހޭ ޤަވާޢިދު" ގެ 3.2 ގެ (ހ)، (ނ)، (ރ) އާ ޚިލާފު ޢަމަލަކަށް ވާތީ، އެ ޤަވާޢިދުގެ 6 ވަނަ މާއްދާގެ (ނ) ގެ ދަށުން އަލީ ހުސެއިން ދިވެހިރާއްޖޭގެ ކޯޓުތަކާއި ޓްރައިބިއުނަލްތަކުގައި ވަކާލާތުކުރުން 2018 އޮކްޓޫބަރު 22 ވަނަ ދުވަހުން ފެށިގެން 05 މަސްދުވަހުގެ މުއްދަތަށް މަނާކުރުމަށް ނިންމާފައިވާ ކަމަށެވެ. 

މީގެ ކުރިން އަލީ ހުސެއިން އެ މައްސަލައާ ގުޅިގެން ސުޕްރީމް ކޯޓަށް ހާޒިރުކޮށް ސުވާލު ވެސް ކޮށްފައި ވެއެވެ. އަދި މީގެ ކުރިން ވެސް އެކި ފަހަރުމަތިން އަލީ ހުސެއިން ސަސްޕެންޑްކޮށްފައިވާއިރު، އަލީ ހުސެއިންނަކީ ޖުޑީޝަރީގައި ހިނގާ ނުރަނގަޅު ކަންތައްތައް ފާހަގަކޮށް، އެކަންކަން އިސްލާހުކުރުމަށް ވަކާލާތުކުރައްވަމުން ގެންދަވާ ވަކީލެކެވެ. 

އަލީ ހުސެއިން ސަސްޕެންޑްކުރިއިރު، ކުރެއްވި ޓްވީޓަކާ ގުޅިގެންނާއި، ވީނިއުސްއަށް ދެއްވި އިންޓަވިއުއަކާ ގުޅިގެން ކުރީގެ ބަންޑާރަ ނައިބު ހުސްނުއް ސުއޫދު ވަނީ ހަތަރު މަހަށް ސަސްޕެންޑްކޮށްފައެވެ. ސުއޫދު ސަސްޕެންޑްކޮށްފައި ވަނީ ސުޕްރީމް ކޯޓުން 2013 ވަނަ އަހަރު ރިޔާސީ ދައުރު ދިގު ކުރުމަށް ނިންމި ނިންމުމަކީ ޣައިރު ޤާނޫނީ ނިންމުމެއް ކަމަށް ވިދާޅުވެ ކުރެއްވި ޓްވީޓަކާ ގުޅިގެންނާއި، ވީނިއުސްއަށް ދެއްވި އިންޓަވިއުއަކާ ގުޅިގެންނެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް