ސިފައިން ސިޔާސީ ކަންކަމާ ދުރުވާންޖެހޭ: އާދަމް ޝަރީފު
22 އޮކްޓޯބަރު 2018 | ހޯމަ 16:04ރިޔާސީ އިންތިޚާބަށް ފަހު ވެސް ހޮނިހިރު ދުވަހުގެ ރެއާ ހަމައަށް އެއްވެސް ވަރަކަށް ސިޔާސީ ކަމެއް ސިފައިންގެ ތެރެއިން ނުފެނޭ
ޑިފެންސް މިނިސްޓަރ އާދަމް ޝަރީފު އުމަރު
ސިފައިންނަކީ ސިޔާސީ ކަންކަމާއި ދުރުވާން ޖެހޭ ބައެއް ކަމަށް މޯލްޑިވްސް ނެޝަނަލް ޑިފެންސް ފޯސް(އެމްއެންޑީއެފް) އާދަމް ޝަރީފު އުމަރު ވިދާޅުވެއްޖެއެވެ.
އާދަމް ޝަރީފުގެ ރަސްމީ ފޭސްބުކް ޕޭޖުގައި ކުރައްވާފައިވާ ޕޯސްޓެއްގައި ވިދާޅުވީ ދިވެހި ސިފައިންނަކީ ގާނޫނު އަސާސީ އާއި ސިފައިންގެ ގާނޫނުން ލާޒިމުކުރާ ޒިންމާތަކެއް އުފުލަންޖެހޭ ބައެއް ކަމަށެވެ. ސިޔާސީ ކަންކަމާ ދުރުހެލި އަދި ދުރުހެލިވާން ޖެހޭ ބައެއް ކަމަށް އެ ޕޯސްޓުގައި ވަނީ ބުނެފައެވެ. އާދަމް ޝަރީފްގެ ޕޯސްޓުގައި ބުނެފައިވަނީ ރިޔާސީ އިންތިޚާބަށް ފަހު ވެސް ހޮނިހިރު ދުވަހުގެ ރެއާ ހަމައަށް އެއްވެސް ވަރަކަށް ސިޔާސީ ކަމެއް ސިފައިންގެ ތެރެއިން ނުފެންނަ ކަމަށެވެ.
އާދަމް ޝަރީފު ފޭސްބުކްގައި އެގޮތަށް ޕޯސްޓު ކުރައްވާފައިވަނީ ހޮނިހިރު ދުވަހުގެ ރޭ ސިފައިންގެ މަރުކަޒެއް ކަމަށްވާ ކަޅުތުއްކަލާ ކޮށި ތެރެއަށް ޗީފް އޮފް ޑިފެންސް ފޯސްއަށް ދޭ މެސެޖެއް ކަމަށް ބުނެ ލިޔުންތަކެއް ވަނީ އަޅާފައެވެ. އެލިޔުންތަކުގައި ވަނީ އިންތިޚާބުގެ ނަތީޖާ ބަދަލުކުރުމަށް މަސައްކަތް ކުރެއްވުމަށް ނޫޅުއްވުމަށާއި ސިފައިން ތިބޭނީ އަބަދުވެސް ރައްޔިތުންގެ ފަޅީގައި ކަމަށެވެ. އަދި އިންތިޚާބީ ރައީސް އިބްރާހިމް މުހައްމަދު ސޯލިހަށް ސިފައިންގެ ފަރާތުން އެއްބާރުލުން ލިބޭނެ ކަމަށާއި އާ ސަރުކާރަށް އެއްބާރުލުން ލިބޭނެ ކަމަށެވެ. އަދ ވެރިކަން ގަޑުބަޑު ކުރަން މަސައްކަތް ނުކުރުމަށް އާދަމް ޝަރީފަށް ނިސްބަތް ކޮށް އަޅާފައިވާ ލިޔުންތަކުގައި ވަނީ ބުނެފައެވެ.
