ރައްޔިތުންގެ ޓެކްސްގެ ފައިސާއިން ހިންގާ ދައުލަތުގެ މީޑިއާއިން ރައްޔިތުންނަށް ހަމަހަމަ ފުރުސަތު ލިބޭނެ ފޯމިއުލާއެއް ހޯދަން ޖެހޭ ކަމަށް ހަނިމާދޫ ދާއިރާގެ މެމްބަރު ހުސެއިން ޝަހުދީ ވިދާޅުވެއްޖެއެވެ.
ޝަހުދީ ކުރެއްވި ޓްވީޓެއްގައި ވިދާޅުވީ ސެޕްޓެންބަރު މަހު 23 ގައި ބޭއްވި ރިޔާސީ އިންތިޚާބުގައި ވޯޓުން ފެނުނު ގައުމީ ބަދަލުގައި އިންސާފަށް ލޯބިކުރި ހިތްވަރުގަދަ ދިވެހި ނޫސްވެރިންގެ ހިއްސާ ބޮޑު ކަމަށެވެ.
ދައުލަތުގެ މީޑިއާ (ޕީއެސްއެމް)އަށް އިޝާރާތް ކުރައްވާ ޝަހުދީ ވިދާޅުވީ ރައްޔިތުންގެ ޓެކްސްގެ ފައިސާއިން ހިންގާ ދައުލަތު މީޑިއާއިން ހަމަހަމަ ފުރުސަތުދޭން ޖެހޭ ކަމަށާއި، މިކަން ހައްލު ކުރުމަށް ފޯމިއުލާއެއް ހޯދަން ޖެހޭ ކަމަށެވެ.
ޝަހުދީ މިޓްވީޓަށް މަޝްހޫރު ގާނޫނީ ވަކީލް އަދި ކެންދޫ ދާއިރާގެ މެންބަރު އަލީ ހުސައިން ވިދާޅުވީ ދައުލަތުގެ މީޑިއާއިން އެއިރެއްގައި އޮންނަ ސަރުކާރުގެ ޕްރޮޕެގެންޑާ ފަތުރުމާއި ދެކޮޅު ކަމަށާއި، އެއީ ބަލައިގަނެވޭނެ ކަމެއް ނޫން ކަމަށެވެ. އަލީ ހުސެއިން ވިދާޅުވީ އެއިރެއްގައި އޮންނަ ސަރުކާރެއް ޕްރޮމޯޓު ކުރަން ދައުލަތުގެ މީޑިއާގެ ނަމުގައި ޕްރޮޕެގެންޑާރ މެޝިންތަކެއް ހިންގަން ނުޖެހޭ ކަމަށެވެ.
Rayyithunge tax faisaa kharadhu koggen RJ aai e ireggai onna sarukaareh promote kuran public media ge namugai propaganda machine thakeh hingumaai alhugandu dhekolhu. https://t.co/A56imM87Km
— Ali Hussain (@AleeVoice) October 19, 2018
މިފާއިތުވެގެން ދިޔަ 5 އަހަރު ޕީއެސްއެމުން ސަރުކާރާއި، ދެކޮޅު ފަރާތްތަކަށް އެއްވެސް ފުރުސަތެއް ނުދެއެވެ. ސަރުކާރާއި ދެކޮޅުގެ އެއްވެސް ހަރަކާތެއް ބްރޯޑްކާސްޓު ނުކުރާއިރު، ސަރުކާރުގެ މައި ޕާޓީ ޕީޕީއެމްގެ ޖަލްސާތަކާއި، ކެމްޕޭން އެއްވުންތައް ވަގުތުން ގެނެސްދެނީ، ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ޕްރޮމޯޓް ކުރުމަށް ވަނީ ގިނަ މަސައްކަތްތަކެއް ކޮށްފައެވެ.
އެގޮތުން އިންތިޚާބު ކައިރިވެފައި ވަނިކޮށް ރައީސް ޔާމީންއަށް ޚާއްސަކޮށްގެން ޕްރޮމޯޓު ކުރުމަށް ޚާއްސަ ޕްރޮގްރާމްތައް ވަނީ ގެނެސްދީފައެވެ.
ޕީއެސްއެމްގެ މިއަމަލުގެ ސަބަބުން ގިނަ ބައެއްގެ ފާޑު ކިޔުން އެމީޑިއާއަށް ވަނީ ލިބިގެން ގޮސްފައެވެ.
