ރާއްޖެ
ޖަމާއަތްތެރި އިސްމާއީލް ފުޅު
ޖަމާއަތްތެރި އެއްގެ ގޮތުގައި އުޅުނު އިސްމާއީލް ފުޅު ނިޔާވެއްޖެ
ރޭގެ ފަތިސް ނަމާދަށް ފަހު ވަނީ ވަޅުލާފައި
މުހައްމަދު ފަޒީން, ރާއްޖެ އެމްވީ | 17 އޮކްޓޯބަރު 2018 | ބުދަ 13:28
ޖަމާއަތްތެރިއާ އިސްމާއީލް ފުޅު
މާލޭގައި ދިގު މުއްދަތަކަށް ޖަމާއަތްތެރިއެއްގެ ގޮތުން ޚިދުމަތް ކޮށްފައިވާ ހ. މިރިހި - ހ. ފޭވަރިޓްވިލާ އިސްމާޢީލް ފުޅު (ޖަމާޢަތްތެރި އިސްމާޢީލް ފުޅު) ނިޔާވެއްޖެއެވެ. މުދިމްކަން ވެސް ކޮށްފައިވާ އިސްމާޢީލް ފުޅު ނިޔާވީ އަންގާރަ ދުވަހުގެ ރޭ އިރާކޮޅުގެ ވަގުތެއްގައެވެ. އިސްމާއީލް ފުޅުގެ ހަށިގަނޑު ވަޅުވާލާފައި ވަނީ ބުދަ ދުވަހުގެ ފަތިސްނަމާދަށް ފަހު އާ ސަހަރާގައެވެ. އުމުރުން 80 އަހަރުގެ އިސްމާޢީލް ފުޅަކީ ހިތް ހެޔޮ މިޒާޖެއްގެ، ވަރަށް ގިނަ ބައެއްގެ ވަރަށް ގާތް އެކުވެރިއެކެވެ. އަދި ގިނަ ބައެއްގެ ޖަނާޒާގެ ކަންކަން ކޮށްދީފައިވާ މީހެކެވެ.
