ތޫފާން މައިކަލް ފޮލްރިޑާގެ ގޮނޑުދޮށުގެ އަވަށަށް އަރާފައިވަނީ "ބޮންތަކުގެ މައި ބޮން" ވައްޓާލި ފަދައިންކަމަށާއި ޗާޓުން އެތަން އެކީ ހެން ފުހެވިފައިވާކަމަށް އޮފިޝަލުން ވިދާޅުވެއްޖެއެވެ.
އެ ސްޓޭޓްގެ އިރު އުތުރުގެ އައްސޭރިފަށުގައި އޮންނަ މެކްސިކޯ ގޮނޑުދޮށަށް ބުދަ ދުވަހު ތޫފާން އަރާފައިވަނީ ގަޑިއަކު 250 ކިލޯ މީޓަރު ބާރުމިނުގެ ވަޔާއެކުއެވެ.
އެމެރިކާގެ ތާރީޚުގައި އެރި އެންމެ ބާރުގަދަ އެއް ތޫފާނުގެ ގޮތުގައި ރެކޯޑްކުރެވިފައިވާ މި ތޫފާނުގައި މަރުވި މީހުންގެ އަދަދު 16 އަށް އަރާފައިވާއިރު އެ އަދަދު އިތުރުވުމުގެ ބިރު ބޮޑެވެ.
އިމަރޖެންސީ މެނޭޖްމަންޓްގެ އޮފިޝަލަކު ވިދާޅުވީ ތޫފާނުގެ އަސަރު އެންމެ ބޮޑަކުރި އެއް ސަރަހައްދަށް މީހުން ސަލާމަތްކުރުމުގެ މަސައްކަތްކުރާ ޓީމްތަކަށް ދެވިފައި ނުވާކަމަށެވެ.
މެކްސިކޯ ބީޗުން މިހާތަނަށް މީހަކު މަރުވެފައިވާކަމުގެ ރިޕޯޓެއް ލިބިފައި ނުވި ނަމަވެސް މީހުން ސަލާމަތްކުރުމުގެ މަސައްކަތްކުރާ ފަރާތްތަކުންވަނީ އެންމެ ބޮޑަށް ސުންނާފަތިވި ސަރަހައްދުތަކަށް ގޮސްފައެވެ.
ފްލޮރިޑާއާއާއި،އަލަބަމާއާއި،ޖޯޖިއާ،ވަރޖީނިއާ އަދި ކެރޮލައިނާގެ މިލިއަނަކަށްވުރެ ގިނަ ގެއިން ކަރަންޓު ކެނޑިފައެވެ.
