ޝެއަރ އަ ކޯކް ކެމްޕޭން ރާއްޖޭގައި ލޯންޗުކޮށްފި

ކޮކާ ކޯލާ އިން ކުރިއަށްގެންދާ ޝެއަރ އަ ކޯކް ކެމްޕޭން ރާއްޖޭގައި މިއަދު ލޯންޗުކޮށްފިއެވެ.

ބުރާސްފަތި ދުވަހު އަރޓް ގެލަރީގައި ބޭއްވި ހާއްސަ ރަސްމިއްޔާތުގައި މި ކެމްޕޭން ލޯންޗުކޮށްދެއްވީ ރާއްޖޭގެ ގައުމީ ފުޓްބޯޅަ ޓީމުގެ ކެޕްޓަން އަކްރަމް އަބްދުލްޣަނީއެވެ.

މި ރަސްމިއްޔާތުގައި ކޮކާ ކޯލާގެ ރީޖަނަލް މާކެޓިން މެނޭޖަރު އަމަރްނާތު ޑުޓާ ވިދާޅުވީ ޝެއަރ އަ ކޯކް ކެމްޕެއިނަށް ދުނިޔޭގެ އެކި ގައުމުތަކުން ބޮޑު ތަރުހީބެއް ލިބިފައިވާ ކަމަށާއި އެ ކެމްޕެއިން ރާއްޖެއަށް ތައާރަފުކޮށް ގާތް މީހުންނާއެކު ހާއްސަ ވަގުތުތައް ހިއްސާކުރެވޭނެ ކަމަށެވެ.

ޝެއަރ އަ ކޯކުގެ މަގުސަދަކީ ހަޔާތުގެ މުހިއްމު ބައިވެރިންނާއެކު ކޮކާ ކޯލާ ހިއްސާކޮށް، އުފާވެރިކަން ގެނެސްދިނުން ކަމަށެވެ. އަދި ކެމްޕެއިނާއެކު ފުޅީގެ ލޭބަލްގައި 16 ޓެގެއް ވަނީ ރާއްޖޭގައި ތައާރަފުކޮށްފައެވެ. އޭގެ ތެރޭގައި ބައްޕަ އާއި މަންމަ އާއި ގާތް ރަހުމަތްތެރިންގެ ނަން ހިމެނުމުގެ ފުރުސަތު ލިބެއެވެ. ޝެއަރ އަ ކޯކް އެންމެ ފުރަތަމަ ލޯންޗުކުރީ 2011 ވަނަ އަހަރު އޮސްޓްރޭލިއާގައެވެ.

ކޮކާ ކޯލާ އިން ވަނީ މީގެ ފަސް މަސް ކުރިން ފުރަތަމަ ފަހަރަށް ދިވެހި ބަހުން ކޮކާ ކޯލާގެ އިޝްތިހާރެއް ލޯންޗުކޮށްފައެވެ. ރާއްޖޭގައި ހެދި އެ އިޝްތިހާރުގައި ދައްކުވައި ދެނީ އާއިލާއެއްގެ އުފާވެރިކަން ކޮކާކޯލާ އިން، ކެއުމުގެ ސުފުރާމަތީގައި ފުރިހަމަކޮށްދޭ ތަނެވެ. އަދި އެ އިޝްތިހާރުގައި ވާހަކަ ދައްކާފައި ވަނީ ވެސް ދިވެހި ބަހުންނެވެ.

ކޮކާކޯލާ އިން ބުނީ ރާއްޖޭގައި ހެދި ކޮކާ ކޯލާގެ އިޝްތިހާރުގައި ދިވެހިވަންތަކަން ގެނެސްފައިވާނެ ކަމަށާއި ކުރިއަށް އޮތް ތަނުގައި ވެސް ރާއްޖެއަށް ހާއްސަކޮށް ކޮކާ ކޯލާގެ އިޝްތިހާރުތައް ހެދުމަށް ނިންމާފައިވާ ކަމަށެވެ.

ކޮކާ ކޯލާ އަކީ ދިވެހިންގެ މަޝްހޫރުކަން ހޯދާފައިވާ ބުއިމެކެވެ.