އިންތިޚާބީ ރައީސް ސޯލިހް ރާއްޖެ ވަޑައިގެންފި
ސްޓޭޓް ޑިޕާޓްމަންޓްގެ ޕްރިންސިޕަލް ޑެޕިއުޓީ އެސިސްޓެންޓް ސެކްރެޓަރީ، އެމްބެސެޑަރ އެލިސް ވެލްސް ވަނީ ސޯލިހް އާ ބައްދަލު ކުރައްވާފައި
އިންތިޚާބީ ރައީސް ސޯލިހް އާއި އެމްބެސެޑަރ އެލިސް ވެލްސް ބައްދަލު ކުރައްވަނީ
އިންތިހާބީ ރައީސް އިބްރާހީމް މުހައްމަދު ސޯލިހު (އިބޫ) ނުރަސްމީ ދަތުރުފުޅެއްގައި ރާއްޖެއިން ބޭރަށް ކުރެއްވި ދަތުރުފުޅު ނިންމަވާލެއްވުމަށްފަހު މާލެ ވަޑައިގަންނަވައިފިއެވެ.
އާދީއްތަ ދުވަހުގެރޭ ކުރެއްވި ދަތުރުފުޅު ނިންމަވާލެއްވުމަށްފަހު ބުދަދުވަހު މާލެ ވަޑައިގެންނެވުމާއެކު އެމެރިކާގެ ސްޓޭޓް ޑިޕާޓްމަންޓްގެ ޕްރިންސިޕަލް ޑެޕިއުޓީ އެސިސްޓެންޓް ސެކްރެޓަރީ، އެމްބެސެޑަރ އެލިސް ވެލްސް ވަނީ ވެލާނާ އިންޓަރނޭޝަނަލްގެ ވީވީއައިޕީ ލޯންޖްގައި އިންތިޚާބީ ރައީސް ސޯލިހް އާ ބައްދަލު ކުރައްވާފައެވެ. މި ބައްދަލުކުރެއްވުމުގައި ކުރެވުނު މަޝްވަރާތަކުގެ މައުލޫމާތެއް އަދި ލިބިފައެއް ނުވެއެވެ.
މިއީ ސެޕްޓެމްބަރު 23 ގައި ބޭއްވި އިންތިޚާބަށް ފަހު، ސޯލިހް ރާއްޖެއިން ބޭރަށް ވަޑައިގެންނެވި މިއީ ފުރަތަމަ ދަތުރުފުޅެވެ. ކެމްޕެއިންގެ ދުވަސްވަރު އަވައްޓެރި ސްރީލަންކާއަށް އެމަނިކުފާނު ވަޑައިގެންނެވިއެވެ.
