ބްރެޒިލްގެ ރިޔާސީ އިންތިޚާބުގެ ފުރަތަމަ ބުރު ކަނާތުފިޔައިގެ ކެނޑިޑޭޓް ބޮލްސާނަރޯ ކާމިޔާބު ކުރައްވައިފި
9 އޮކްޓޯބަރު 2018 | އަންގާރަ 16:23ބޮލްސާނަރޯއަށް 46 އިންސައްތަ އަދި ހައްދާދަށް 29 އިންސައްތަ ލިބިވަޑައިގެންފައި ވޭ
ކަނާތު ފިޔައިގެ ރިޔާސީ ކެންޑިޑޭޓް ޖެއަރ ބޮލްސާނަރޯ (ވ) އަދި ވާތު ފިޔައިގެ ކެންޑިޑޭޓް ފެރްނާންޑޯ އައްދާދު
ބްރެޒިލްގ ރިޔާސީ އިންތިޚާބުގެ ފުރަތަމަ ބުރު ކަނާތުފިޔައިގެ ކެނޑިޑޭޓް ޖެއަރ ބޮލްސާނަރޯ ކާމިޔާބު ކުރައްވައިފިއެވެ.
އޮކްޓޯބަރ މަހުގެ 28 ވަނަ ދުވަހު ބާއްވާ އިންތިޚާބުގެ ދެވަނަބުރުގައި އޭނާ ވާދަކުރައްވަން ޖެހިވަޑައިގަންނަވާނީ ވޯކަރސް ޕާޓީގެ ކެނޑިޑޭޓް ފެރްނާންޑޯ އައްދާދްއާއެވެ.
ބްރެޒިލްގެ ގާނޫނު ބުނާ ގޮތުން އެއްވެސް ކެނޑިޑޭޓަކަށް ސައްހަ ވޯޓުގެ 50 އިންސައްތަ ނުލިބިއްޖެ ނަމަ ދެވަނަ ބުރެއް ބާއްވަން ޖެހެއެވެ.
ގާތްގަނޑަކަށް ހުރިހާ ވޯޓެއް ގުނާ ނިމިފައިވާއިރު ބޮލްސާނަރޯއަށް 46 އިންސައްތަ ލިބިވަޑައިގެންފައިވާއިރު ހައްދާދަށް ލިބިވަޑައިގެންނެވީ 29 އިންސައްތަ އެވެ.
ދެވަނަ ބުރަކަށް ގޮސްފި ނަމަ، ސައުޕޯލޯގެ ކުރީގެ މޭޔަރ ފެރްނާންޑޯ އައްދާދު ބޮލްސާނަރޯގެ މައްޗަށް 42 އިންސައްތަ ވޯ ޓާއެކު ކުރި ހޯއްދަވާނެ ކަމަށް ޚިޔާލު ހޯދުމުގެ ވޯޓުން ދައްކާފައިވެއެވެ.
ވަޅީގެ ހަމަލާއެއްގައި ޒަޚަމްވެ ވަޑައިގަތުމާއެކު ބޮލްސާނަރޯއަށް ކެމްޕެއިންގައި އަމަލީގޮތުން އުޅުއްވެވުނީ މަދު ދުވަސް ކޮޅެއްގައެވެ.
