އަންހެނުންނަށް ޖިންސީ ފުރައްސާރަ ކުރުމުގެ މައްސަލައިގައި އިންޑިއާގެ ނޫސްވެރިން ތެދުވެއްޖެއެވެ.
ޓުވިޓަރގައި ގިނަ އަދަދެއްގެ ނޫސްވެރިންވަނީ އެފަރާތްތަކަށް މަސައްކަތުގެ މާހައުލުގައްޔާއި އިންޓަރވިއުތަކުގައި އަދި އެނޫން ހާލަތްތަކުގައި ޖިންސީ ފުރައްސާރަ ކުރި ކަމަށް ބުނެ އެފަދަ އަމަލުތައް ހިންގާ ފަރާތްތަކުގެ ނަން ހާމަކޮށްފައެވެ. އެގޮތުން ބައެއް ނޫސްތަކުގެ އިސްވެރިންނާއި އެޑިޓަރުންނާއި ނޫސްވެރިންނާއި ފޮޓޯގްރާފަރުންގެ ނަން އާންމުކޮށްފައިވެއެވެ. ހުކުރު ދުވަހުން ފެށިގެން ނޫސްވެރިން ދަނީ އެފަރާތްތަކަށް ކުރިމަތިވަމުންދާ އެފަދަ ހާދިސާތައް ހިއްސާ ކުރަމުންނެވެ. ބައެއް ފަރާތްތަކުން އެފަދަ ހާދިސާތައް ހާމަކަން ބޮޑު ގޮތެއްގައި ހާމަކުރަމުންދާ އިރު، ބައެއް ނޫސްވެރިން އެމައުލޫމާތުތައް ހާމަކޮށްފައިވަނީ ނަން ހާމަނުކޮށެވެ.
The law is designed with shackles. It cannot serve justice or even order, on what we are now confronting.
— Anoo Bhuyan (@AnooBhu) October 6, 2018
.
It seems the time has come for 'Sexual Harassment Tribunals and Open Houses,' to be set up in various news rooms. Eg
.
And we should depose.https://t.co/3tE3pxXl5a
ޓައިމްސް އޮފް އިންޑިއާގެ އެޑިޓަރ ސަންދިޔާ މެނަން ވަނީ މީގެ އެތަށް އަހަރެއްގެ ކުރިން ބެންގަލޫރު މިރަރ ނޫހުގައި މަސައްކަތް ކުރި އެޑިޓަރެއް ކަމުގައިވާ ކޭ.އާރް ސްރީނިވާސްގެ ފަރާތުން ޖިންސީ ފުރައްސާރަ ކުރިމަތިވެފައިވާކަން ހާމަކޮށްފައިވެއެވެ.
ސަންދިޔާ އޭނާއަށް ކުރިމަތިވި ކަންތައް ހިއްސާކުރިއިރު، ބައެއް އެހެން ނޫސްވެރިންވެސް ވަނީ މަސައްކަތުގެ މާހައުލުގައި އިސް ވެރިންގެ ފަރާތުން ކުރިމަތިވެފައިވާ ފުރައްސާރައިގެ ވާހަކަ ހިއްސާކޮށްފައެވެ.
އަދި MeToo# ބޭނުންކޮށްގެން ގިނަ ބަޔަކު ދަނީ ޖިންސީ ފުރައްސާރަ އާއި މެދު ކަންބޮޑުވުން ފާޅުކުރަމުންނެވެ. މީޓޫ ކެމްޕެއިން ގެ ތެރެއިން އިންޑިއާގެ މަޝްހޫރު ލިޔުންތެރިޔާ ކިރަން ނަގަރްކަރް އާއި ފޮޓޯގްރަފަރު ޕަބްލޯ ބަތޮލޮމިއުގެ އިތުރުން ނޫސްވެރިޔާ އަދި އޭޝިއަން ކޮލެޖް އޮފް ޖަރނަލިޒަމްގެ ލެކްޗަރާރ އެއް ކަމުގައިވާ ސަދާނަންދު މެނަން ފަދަ ފަރާތްތަކަށް ގިނަ ބަޔަކު ދަނީ ޖިންސީ ފުރައްސާރައިގެ ތުހުމަތު ކުރަމުންނެވެ.
Can we do a social boycott of Menon until he apologises and agrees to get help? Artists? Influencers? Professors? Please? No panels, no exhibitions, no classes.
— Divya Karthikeyan (@divya_krthk) October 5, 2018
އިންޑިއާގެ ނޫސްވެރިންގެ މެދުގައި މިވާހަކަތައް ދެކެވެން ފަށާފައިވަނީ މަޝްހޫރު ފިލްމީތަރި ތަނޫޝްރީ ދައްތާއަށް 2008 ވަނަ އަހަރު ނާނާ ޕަޓޭކަރު ޖިންސީ ފުރައްސާރަ ކުރިކަމަށް ދެކެވުނު ވާހަކަތައް އަނެއްކާވެސް މީޑީއާގައި ފެންމަތިވެފައިވަނިކޮށެވެ.
މިއާއިއެކު ޖިންސީ ފުރައްސާރައިގެ ވާހަކަތައް ނޫސްވެރިން ފާޅުކަންބޮޑުގޮތެއްގައި ދައްކަމުންދާއިރު އިންޑިއާގެ މެއިންސްޓްރީމް މީޑިއާތަކުން އެވާހަކަތަކަށް ސަމާލުކަންދޭވަރު ކުޑަކަމަށް ބުނެ ގިނަ ބަޔަކު ސޯޝަލް މީޑިއާގައި ދަނީ ކަންބޮޑުވުން ފާޅުކުރަމުންނެވެ. ގިނަ ނޫސްވެރިން ހާމަކޮށްފައިވާ ގޮތުގައި މަސައްކަތްކުރާ ނޫސްތަކުގައި އިންޓަރނަލް ކޮމްޕްލެއިންޓްސް ކޮމިޓީ (އައިސީސީ) އެއް އުފައްދާފައި ނުޥާއިރު، އެފަދަ ކޮމިޓީއެއް އޮތް ނަމަވެސް އެ ކޮމިޓީތައް ވެފައިަވނީ ހަމައެކަނި ނަމެއްގައި އޮންނަ ތަންތަނަށެވެ.
އިންޑިއާގެ އަންހެން ނޫސްވެރިން އިސްވެ އެ ޤައުމުގައި މީޓޫ ކެމްޕެއިން ފަށާފައިވާއިރު މިކެމްޕެއިން ފެށިގެން ދިޔައީ 2017 ވަނަ އަހަރެވެ. ސޯޝަލް މީޑީއާގައި ފެށުނު މި ކެމްޕެއިންގ އަކީ ޖިންސީ ފުރައްސާރަ އާއި ޖިންސީ ގޯނާ ކުރާ ފަރާތްތަކާ ދެކޮޅަށް ތެދުވުމަށް ފެށި ކެމްޕެއިނެކެވެ. މި ކެމްޕެއިންގެ ތެރެއިން 2017 އޮކްޓޫބަރު 15 ވަނަ ދުވަހު އެކަނިވެސް 4.7 މިލިއަން މީހުން ޓްވިޓާގައި މި ހޭޝްޓެގް ބޭނުންކޮށްފައިވެއެވެ. މި ކެމްޕެއިންގައި އެމެރިކާގެ ހޮލީވުޑްގެ މަޝްހޫރު ތަރިންވެސް ބައިވެރިވެފައިވެއެވެ.
