ހަމްދޫނާއި ޝިހާން ބައްދަލުކުރައްވައިފި
ފުލުހުންނާއި ޕްރިޒަން ގުޅިގެން މަސައްކަތްކުރެވިދާނެ ގޮތްތަކާއި ގުޅެގޮތުން މަޝްވަރާކުރެއްވި
ކޮމިޝަނަރ އޮފް ޕޮލިސް ހަމްދޫން ރަޝީދު، ކޮމިޝަނަރ އޮފް ޕްރިޒަންސް އަޙްމަދު ޝިހާންއާ ބައްދަލުކުރެއްވުން
ކޮމިޝަނަރ އޮފް ޕޮލިސް ހަމްދޫން ރަޝީދު، ކޮމިޝަނަރ އޮފް ޕްރިޒަންސް އަޙްމަދު ޝިހާންއާ ބައްދަލުކުރައްވައިފި އެވެ.
ޝަހީދު ޙުސައިން އާދަމް ބިލްޑިންގގައި ބޭއްވި މި ބައްދަލުކުރެއްވުމުގައި، ކޮމިޝަނަރ އޮފް ޕްރިޒަންސް އަޙްމަދު ޝިހާން ވަނީ ކޮމިޝަނަރ އޮފް ޕޮލިސްއަށް މަރުޙަބާ ދަންނަވާފައެވެ. މި ބައްދަލުކުރެއްވުމަކީ ޕޮލިސް ކޮމިޝަނަރގެ މަޤާމަށް ވަޑައިގެންނެވުމަށްފަހު ހަމްދޫން ކޮމިޝަނަރ އޮފް ޕްރިޒަންސް އާއެކު ބޭއްވި ފުރަތަމަ ބައްދަލުކުރެއްވުމެވެ.
މި ބައްދަލުކުރެއްވުމުގައި ވަނީ ފުލުހުންނާއި ޕްރިޒަންސް ގުޅިގެން މަސައްކަތްކުރެވިދާނެ ގޮތްތަކާއި ފުލުހުންނާއި ޕްރިޒަންއާ އޮންނަ ގުޅުން އިތުރަށް ބަދަހިކުރުމާއި ގުޅޭގޮތުން މަޝްވަރާކުރައްވާފައި ކަމަށް ފުލުހުންގެ އިދާރާއިން ބުނެ އެވެ.
ދެ ބޭފުޅުން ބައްދަލުކުރެއްވިއިރު، ޖަލުުގެ ހާލަތު ގޯސްވެ، ގައިދީންނާއިމެދު އަމަލުކުރާ ގޮތްތަކާއި ގުޅޭގޮތުން ގިނަ ބައެއްގެ ފާޑުކިޔުންތައް ޝިހާނަށް ވަނީ އަމާޒުވެގެންގޮސްފަ އެވެ.
