ބުރާސްފަތި 22 އޯގަސްޓު 2019
12 މާ
1440 ޒުލްޙައްޖު 20
ފަތިސް 04:48
އިރުއަރާ 06:01
މެންދުރު 12:13
އަސްރު 15:24
މަޣްރިބް 18:18
އިޝާ 19:31
ދުނިޔެ - އިރާގުގެ އިންތިޚާބު

އިރާގުގެ ރައީސްކަމަށް ބްރަހަމް ސާލިޙް އިންތިޚާބުކޮށްފި

  • ބްރަހަމް ސާލިހްއަށް 219 ވޯޓް ލިބިވަޑައިގެންނެވި

އަބުދުﷲ މުހައްމަދު
8Abbo

ކ. މާލެ 3 އޮކްޓޯބަރ 2018 | ބުދަ 07:11 2,516

އިރާގުގެ ރައީސްކަމަށް އައްޔަން ކުރެވުނު ބްރަހަމް ސާލިހް - މުހައްމަދު ޝަރުހާން

އިރާގުގެ ރައީސްކަމަށް ކުރުދީންގެ ދުވަސްވީ ސިޔާސީ ލީޑަރެއްކަމަށްވާ ބްރަހަމް ސާލިހް އެ ގަައުމުގެ ގާނޫނު ހަދާ މަޖިލީހުން އަންގާރަ ދުވަހު އިންތިޚާބު ކޮށްފި އެވެ.

މީގެ އިތުރުން އެ ގައުމުގެ ދައުލަތުގެ ޓީވީއިންވެސްވަނީ އެކަން އިއުލާނުކޮށްފައެވެ.

"މިއަދަކީ އިރާގަށް ފާހަގަކޮށްލެވޭ ދުވަހެއް. ޑިމޮކްރަސީ ކާމިޔާބުކޮށްފި،" ސާލިހް ނިސްބަތްވެ ވަޑައިގަންނަވާ ޕެޓްރިއޯޓިކް ޔޫނިއަން އޮފް ކުރުދިސްތާން ޕާޓީއަށް ނިސްބަތްވެ ވަޑައިގަންނަވާ މަޖިލިސް މެމްބަރު، ރިބްވާރް ތާހާ ވިދާޅުވިއެވެ. 

އިރާގުގެ ދައުލަތުގެ ޓީވީއިން ބުނެފައިވާ ގޮތުގައި ބްރަހަމް ސާލިހްއަށް 219 ވޯޓް ލިބިވަޑައިގެންނެވިއެވެ.

"އިރާގުގެ ސަލާމަތާއި އެކުވެރިކަން ރައްކާތެރިކުރުމަށް އަޅުގަނޑު ވައުދުވަން" ހުވާ ކުރައްވަމުން ސާލިޙް ވިދާޅުވިއެވެ.

އިރާޤްގެ ސަގާފަތަށް ބަލާއިރު ރައީސްގެ މަގާމު އާއްމުކޮށް އޮންނަނީ ކުރުދީއެއްގެ އަތުގައެވެ. އިރާގްގެ ރައީސްގެ މަގާމަކީ ވަރަށްބޮޑަށް ރަމްޒީ މަގާމެކެވެ.

ނަމަވެސް މި ވޯޓްވެގެން ގޮސްފައިވަނީ މެއި މަހު ބޭއްވި އިންތިޚާބަށްފަހު އައު ސަރުކާރު އެކުލަވާލުމުގައި ކުރިޔަށް އެޅިގެންދިއަ ފިޔަވަޅަކަށެވެ.

އިރާގުގެ ގާނޫނުއަސާސީ ބުނާގޮތުން ސަރުކާރު އެކުލަވާލުމަށްޓަކައި ގާނޫނުހަދާ މަޖިލީހުގެ ތެރެއިން އެންމެ ގިނަ ގޮޑިލިބިފައިވާ ކޯލިޝަނަކުން ބޭފުޅަކު ހޮވުމަށް ސާލިހަށް 15 ދުވަސް ލިބިގެންދާނެއެވެ.

ބޮޑުވަޒީރުގެ މަގާމަށް ވަޑަައިގަންނަވާ ބޭފުޅަކަށް ވަޒީރުންގެ މަޖިލިސް އެކުލަވާލައި މަޖިލީހުގެ ރުހުން ހޯދުމަށް ހުށަހެޅުމަށް 30 ދުވަސް ލިބިވަޑައިގަންނަވާނެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް