ފުރާޅު ކަފާލައި ސީލިން ހަލާކު ކޮށްލުމަށް ފަހު ވަދެ ތިޖޫރިއެއް ވަގަށް ނަގައިފިއެވެ.
މައުލޫމާތު ލިބިފައިވާ ގޮތުގައި ތިޖޫރީ ވަގަށް ނަގާފައި ވަނީ ހޯމަދުވަހުގެ ރޭ ދަންވަރުގެ ވަގުތެއްގައެވެ.
ފުލުހުން ބުނީ ފުވައްމުލަކު ދޫޑިގަމު އަވަށުގެ ބަނދަރު ސަރަހައްދުގައި ހުންނަ އެފްއެސްއެމް އީޒީފިލް ޕެޓްރޯލް ޝެޑްގެ ތިޖޫރީ ވަގަށް ނަގާފައިވާކަމުގެ މައުލޫމާތު އަންގާރަދުވަހުގެ ހެނދުނު 8:05 ގައި ލިބިފައިވާ ކަމަށެވެ.
އެ ތިޖޫރީގައި 40،000 އަށް ވުރެ ގިނަ ރުފިޔާ ހުންނާނެ ކަމަށް އެ އަވަށުގެ ޕެޓްރޯލްޝެޑުން މައުލޫމާތު ދީފައިވާ ކަމަށް ފުލުހުން ބުނެއެވެ.
މި މައްސަލާގައި އެއްވެސް މީހަކު އަދި މިހާތަނަށް ހައްޔަރު ކޮށްފައެއް ނުވެއެވެ.
