އިންޑިއާ ސަފީރު އިންތިހާބީ ރައީސް އިބޫގެ އަރިހަށް އިހްތިރާމްގެ ޒިޔާރަތެއް ކުރައްވައިފި
2 އޮކްޓޯބަރު 2018 | އަންގާރަ 10:13ބައްދަލުވުމުގެ އެއްވެސް ތަފްސީލެއް ހާމަކޮށްފައިނުވޭ
އިންޑިއާ ސަފީރު އިންތިހާބީ ރައީސް އާއެކު
އިންތިހާބީ ރައީސް އިބްރާހިމް މުހައްމަދު ސޯލިހް (އިބޫ)ގެ އަރިހަށް ރާއްޖޭގައި ހުންނަވާ އިންޑިއާ ގެ ސަފީރު އަކިލޭޝް މިޝްރާ އިހްތިރާމްގެ ޒިޔާރަތެއް ކުރައްވައިފިއެވެ.
އިންޑިއާ ސަފީރު އިބޫގެ އަރިހަށް އިހްތިރާމްގެ ޒިޔާރަތެއް ކުރެއްވީ ހޯމަ ދުވަހުއެވެ. ނަމަވެސް މި ބައްދަލުވުމުގެ އެއްވެސް ތަފްސީލެއް ހާމަކޮށްފައިނުވެއެވެ.
މިދިޔަ މަހުގެ 23 ވަނަ ދުވަހު ބޭއްވި ރިޔާސީ އިންތިޚާބު ބޮޑު ތަފާތަކުން އިބޫ ކާމިޔާބު ކުރެއްވުމާއި ގުޅިގެން ބޭރުގެ ގައުމުތަކުން އަންނަނީ އިބޫއަށް މަރުހަބާ ދަންނަވަމުންނެވެ. އެއާއެކު އަވަށްޓެރި ގައުމުތަކުންނާއި ދުނިޔޭގެ ބޮޑެތި ބާރުތަކުން ވެސް ދަނީ އެމަނިކުފާނު ހޯއްދެވި ކާމިޔާބީއަށް މަރުހަބާ ކިޔަމުންނެވެ.
އެގޮތުން ޗައިނާގެ ރައީސް އާއި އިންޑިއާގެ ރައީސް ވެސް ވަނީ އެމަނިކުފާނަށް މަރުހަބާ ކިޔުއްވައިފައެވެ.
