ރައްޔިތުންގެ މަޖިލީހުގެ ހުރިހާ މެމްބަރުންނާ އެކު މަޖިލީސް ޖަލްސާ ބާއްވަން ކުރީގެ ރައީސް ނަޝީދު ގޮވާލައްވައިފިއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވީ ރައްޔިތުންގެ މަޖިލިސްގެ ހުރިހާ މެމްބަރުންނާ އެކު މަޖިލިސް ބައްދަލުވުމަކީ ރާއްޖޭގެ ސިޔާސީ ހަމަޖެހުމާއި ރިޔާސީ އިންތިޚާބުގައި ދިވެހިން ނިންމި ނިންމުމާ އެއްގޮތަށް ކުރިއަށް ދިއުމަށް ކޮންމެހެން ވެސް ބޭނުންތެރި ކަމެއް ކަމަށެވެ.
Rayyithunge Majlis ge hurihaa memberunai eku, Majlis bahdhal vumakee, Raajjeyge siyaasee hama jehumaai, Dhivehin riyaasee Inthikhaab gai ninmi nimmumai ehgothah kuriah dhiumah konmehenves beynuntheri kameh
— Mohamed Nasheed (@MohamedNasheed) September 26, 2018
ރައްޔިތުންގެ މަޖިލީހުގެ ޖަލްސާތައް މިހާރު ވަނީ ހުއްޓިފައެވެ. އެހެން ނަމަވެސް އަންނަ މަހުގެ ފުރަތަމަ ހަފްތާގައި ޖަލްސާތައް ފެށޭނެ ކަމަށް މެމްބަރުން ވިދާޅުވެއެވެ. އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ) ވަނީ މަޖިލީސް ހުއްޓިފައި އޮތް އޮތުން ނިމުމަކަށް ގެންނަވާނެ ކަމަށާއި ވީހާ ވެސް އަވަހަށް ޖަލްސާތައް ބާއްވާނެ ކަމަށް ވިދާޅުވެފައެވެ. އެމަނިކުފާނުވަނީ އަންގާރަ ދުވަހު މަޖިލިސް މެމްބަރުންނާއި ބައްދަލު ވެސް ކުރައްވާފައެވެ. މ. ކުނޫޒުގައި ބައްދަލުކުރެއްވި މެމްބަރުންގެ ތެރޭގައި އެމްޑީޕީ، ޖުމްހުރީ ޕާޓީ އަދި އަދާލަތު ޕާޓީގެ މެމްބަރުންގެ އިތުރުން ގޮޑި ގެއްލިފައިވާ ކަމަށް އިލެކްޝަން ކަމިޝަނުން ނިންމާފައިވާ 12 މެމްބަރުން ހިމެނިވަޑައިގަންނަވައެވެ.
