ތިނަދޫ މަގުމަތީ ޕާކްކޮށްފައި އޮތް ކާރެއްގައި އަލިފާން ރޯވެއްޖެ
19 ސެޕްޓެމްބަރު 2018 | ބުދަ 06:59އަލިފާނުގެ އެ ހާދިސާ ރިޕޯޓް އެމްއެންޑީއެފަށް ލިބިފައި ވަނީ ފަތިހު 04:26 ގައި
ތިނަދޫގައި ރޯކޮށްލާފައިވާ ކާރު
ގދ. ތިނަދޫ ގޯސިޔާ ރެސްޓޯރަންޓް ކުރިމަތީގައި ޕާކްކޮށްފައި އޮތް ކާރެއްގައި އަލިފާން ރޯވެއްޖެއެވެ.
އެމްއެންޑީއެފުން ބުނީ އެ ކާރުގައި ރޯވި އަލިފާން އެމްއެންޑީއެފް ސަދަން އޭރިއާ ތިނަދޫ ފަޔަރ ސްޓޭޝަންގެ ސިފައިން ނިއްވާލާފައިވާ ކަމަށެވެ.
މިހާދިސާގެ މައުލޫމާތު ފަތިހު 04:26 ހާއިރު އެމްއެންޑީއެފް ސަދަން އޭރިއާ ގދ. ތިނަދޫގައި ގާއިމްކޮށްފައިވާ ފަޔަރ ސްޓޭޝަނަށް ލިބުމާ އެކު، ވަގުުތުން ހަރަކާތްތެރި ވެފައިވާ ކަމަށެވެ.
އެ ގޮތުން ތިނަދޫ ފަޔަރ ސްޓޭޝަންގެ ފަޔަރ ފައިޓަރުން އެސަރަހަށްދަށް ގޮސް ކުރި މަސައްކަތުން އެ ކާރުގައި ރޯވެފައިވާ އަލިފާން އެއްކޮށް ނިއްވާލާފައި ވަނީ ފަތިހު 05:10 ހާއިރު ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ އެހާދިސާގައި އެ ކާރު ވަނީ ބޭނުން ނުކުރެވޭ ވަރަށް އަނދާފައި ކަމަށާއި ނަމަވެސް އެ ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށެވެ.
އެމްއެންޑީއެފުން ބުނީ އަލިފާނުގެ އެ ހާދިސާގެ ތަހުގީގު ފުލުހުން ކުރަމުންދާ ކަމަށެވެ.
