އަންގާރަ 16 ޖުލައި 2019
02 ފުސް
1440 ޒުލްގައިދާ 13
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ރިޕޯޓު - ރައީސް ޓްރަމްޕް

ރައީސް ޓްރަމްޕް ސޯޝަލް މީޑިއާގެ މިނިވަން ކަމަށް އަރާވަޑައިގަންނަވަން އުޅުއްވުމުން، ސޯޝަލް މީޑިއާ ރަތަށް!

  • ޑޮނަލްޑް ޓްރަމްޕް ވެރިކަމާ ހަވާލުވެވަޑައި ގެންނެވިފަހުން ސަރުކާރުގެ އެކިއެކި އިދާރާތަކުގެ ރަސްމީ ޓްވިޓަރ އެކައުންޓްތަކުން ކުރިން އާންމުކޮށްފައި ހުރި ވަރަށް ގިނަ މައުލޫމާތުތައް ވަނީ ޑިލީޓް ވެސް ކޮށްލާފ

އަހުމަދު އަނޫޝު
IamAhmedAnoosh

ކ. މާލެ 30 ޖެނުއަރީ 2017 | ހޯމަ 20:49 1,596

ރައީސް ޑޮނަލްޑް ޓްރަމްޕް - ގޫގުލް

އެމެރިކާގެ އާ ރައީސް ޑޮނަލްޑް ޓްރަމްޕް ވެރިކަަމަށް ވަޑައިގަތް ފަހުން ގިނަ ތާފާތު ބަދަލުތައް ގައުުމަށް ދަނީ ގެންނަވަމުންނެެވެ. އެގޮތުން ޚާރިޖީ ސިޔާސަތަށާއި ދާހިލީ ސިޔާސަތަށް ބޮޑެތި ބަދަލުތައް ގެންނަވަމުންދާއިރު ޑިމޮކްރެޓިކް މުޖުތަމައުތަކުގައި ބަލައިނުގަނެވޭނެ ބަދަލުތައް ހިމެނޭ ކަމަށް ބައެއް ފަރާތްތަކުން ބުނެއެވެ. އެގޮތުން ހިޔާލުފާޅުކުރުމުގެ މިނިވަން ކަމަށް ހުރަސް އެޅޭ ފަދަ ނިންމުންތައް ނިންމުން ނުވަތަ އެފަދަ ނިންމުންތައް ނިންމަން ކުރިއަށް ތަނުގައި ހަމަޖެހިފައިވުން ފާހަގަކޮށްލެވެއެވެ.

 

އެގޮތުން އެންމެ ފާހަގަކޮށްލެވޭ ހައިރާންކުރަނިވި އެއް ކަމަކީ ވައިޓް ހައުސް އިން އެމެރިކާގެ ކަސްޓަމްސް އޮފިޝަލުންނާއި އަދި ބޯޑަރު ޕެޓްރޯލް ކުރާ އެޖެންޓުންނަށް، އެމެރިކާއަށް އެތެެރެވާ އެެހެން ގައުމުތަކުގެ މީހުންގެ ސޯޝަލް މީޑިއާ އަދި މޯބަައިލް ފޯނުގެ ކޮންޓެކްޓްތައް މޮނިޓާ ކުރަން އަންގަފާނެ ކަމުގެ ރިޕޯޓުތަކެވެ. މިކަމަކީ ވައިޓް ހައުސް އިން ފަހަރުގައި ނިންމަފާނެ ނިންމުމެއް ކަމަށް ވައިޓް ހައުސްގެ ޕޮލިސީ ޑައިރެކްޓާ ސްޓެފަން މިލާ ވަނީ ހޮނިހިރު ދުވަހު ވިދާޅުވެފައެވެ.

 

ޑޮނަލްޑް ޓްރަމްޕް ވެރިކަމާ ހަވާލުވެވަޑައި ގެންނެވި ފަހުން ސަރުކާރުގެ އެކިއެކި އިދާރާތަކުގެ ރަސްމީ ޓްވިޓަރ އެކައުންޓްތަކުން ކުރިން އާންމުކޮށްފައި ހުރި ވަރަށް ގިނަ މައުލޫމާތުތައް ވަނީ ފުހެލާފަ ކޮށްލާފައެވެ. އަދި ސަރުކާރުގެ އޭޖެންސީތަކުގެ ރަސްމީ ވެބްސައިޓްތަކުން ވެސް މައުލޫމާތުތައް ވަނީ ޑިލީޓް ކޮށްލާފައެވެ. މީގެ ތެރޭގައި މޫސުމަށް އަންނަ ބަދަލުތަކާ ގުޅޭގޮތުން އެމެރިކާ ސަރުކާރުން އެކުލަވާލައި ޝާއިއު ކޮށްފައިހުރި ރިޕޯޓްތައް ވެސް ހިމެނެއެވެ.

ސޯޝަލް މީޑިއާ އަށް ހުރަސްއެޅުމާއި އަދި މައުލޫމާތު ހާމަކުރަން ޓްރަމްޕްގެ ސަރުކާރުން ހުރަސްއަޅާން ފެށުމުން ސޯޝަލް މީޑިއާގައި ދަނީ ޓްރަމްޕަށް ވަރަށް ބޮޑަށް ފާޑުކިޔުން އިތުރުވަމުންނެވެ.

 

އެމެރިކާއަށް އެތެރެވާ މީހުންގެ ސޯޝަލް މީޑިއާ މައުލޫމާތުތައް ހިއްސާކުރަން ޖެހިދާނެ ކަމަށް ބެލެވިފައިވާއިރު ރައީސް ޓްރަމްޕް ވަނީ ދުނިޔޭގެ އެކި ގައުމުތަކުން އަންނަ ރެފިއުޖީން އެމެރިކާއަށް އެތެރެވުން މަނާކުރުމާއި، މުސްލިމް 7 ގައުމެއްގެ މީހުނަށް ވިސާދިނުން ހުއްޓުވައި ރިޔާސީ ގަރާރެއް ނެރުއްވާފައެވެ. އެމެރިކާއަށް ރެފިއުޖީން އެރުމާއި، މުސްލިމް 7 ގައުމަކަށް ވިސާނުދޭން ޓްރަމްޕް ނިންމެވި މައްސަލާގައި ދުނިޔޭގެ ނުރުހުން ދަނީ ވަރަށް ބޮޑަށް ޓްރަމްޕަށް އަމާޒުވަމުންނެވެ.

 

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް