ރައީސް ޔާމީން ލ. އަތޮޅުގެ ބައެއް ރަށްރަށަށް!
ރައީސް ޔާމިންގެ މިދަތުރުފުޅުގައި ހިތަދޫ، މާމެންދޫ، މާބައިދޫ، ގަމުގެ އިތުރުން ފޮނަދޫއަށް ވަޑައިގަތުމަށް ވަނީ ހަމަޖެހިފައި
ރައީސް ޔާމިން ކައްދޫއަށް ވަޑައިގަންނަވަނީ
ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ލ. އަތޮޅުގެ ބައެއް ރަށްރަށަށް ކުރައްވާ ދަތުރުފުޅު ފެއްޓެވުމުގެ ގޮތުން ލ. ކައްދޫއަށް ހޮނިހިރު ދުވަހު ހެނދުނު ވަޑައިގެންފިއެވެ.
ރައީސުލްޖުމްހޫރިއްޔާގެ މި ދަތުރުފުޅުގައި، ލ. ހިތަދޫއަށް ވަޑައިގެން އެރަށުގައި ތަރައްގީކޮށްފައިވާ ބަނދަރު ހުޅުއްވައިދެއްވުމަށާއި، މާމެންދޫއަށް ވަޑައިގެން އެރަށުގައި ގާއިމްކޮށްފައިވާ ނަރުދަމާގެ ޚިދުމަތް އިފްތިތާހް ކޮށްދެއްވާނެއެވެ. އަދި މާބައިދޫއަށް ވަޑައިގެން އެރަށުގައި ތަރައްގީކޮށްފައިވާ ބަނދަރު ހުޅުއްވައިދެއްވައި، ގަމަށް ވަޑައިގެން ތުނޑީ އަވަށު ބަނދަރު ހުޅުއްވައިދެއްވާނެއެވެ.
މީގެ އިތުރުން ހައްދުންމަތީގެ ބޮޑުމަގު ހުޅުއްވައިދެއްވައި، ފޮނަދޫ ފެނުގެ ޚިދުމަތް ފައްޓަވައިދެއްވުމަށް ވެސް ވަނީ ހަމަޖެހިފައެވެ.
