ސައިފް އާއި ކަރީނާ ދަރިފުޅާއިއެކު ރާއްޖޭގައި ޗުއްޓީ ހޭދަކުރަމުންދަނީ ސޮނެވާފުށިގައި
ސައިފްގެ އާއިލާ އާއި އެކު ކޮއްކޮ ސޯހާގެ އާއިލާވެސް ސޮނެވާގައި ދަނީ ޗުއްޓީ ހޭދަކުރަމުން
ސައިފް އަލި ޚާން ކަރީނާ ކަޕޫރު އަދި ތައިމޫރު އަލި ޚާން
ބޮލީވުޑްގެ މަޝްހޫރު ދެ ތަރިންކަމަށްވާ ސައިފް އަލީ ޚާން އާއި އަންހެނުން ކަރީނާ ކަޕޫރު, ދަރިފުޅު ތައިމޫރު އަލީ ޚާން އާއި އެކު ރާއްޖޭގައި ޗުއްޓީ ހޭދަކުރަމުންދަނީ ސޮނެވާފުށީ ރިސޯޓްގަ އެވެ.
ސައިފް އާއި ކަރީނާއާއެކު، ސައިފްގެ ކޮއްކޮ ސޯހާ އަލީ ޚާން އޭނާގެ ފިރިމީހާ ކުނާލް ކެއްމޫ އާއި އަންހެން ދަރިފުޅު އިނާޔާ ވެސް ދަނީ ޗުއްޓީ ހޭދަކުރަމުންނެވެ.
މި އެންމެން އެކުގައި މަޖާކޮށް ސޮނެވާފުށީ ރިސޯޓްގެ ރީތި ބީޗްގައި ނަގާފައިވާ ފޮޓޯތައް ވަނީ އިންސްޓަގްރާމް ގައި ޝެއަރކޮށްފައެވ. ސޯހާ އޭނާގެ އިންސްޓަގްރާމްގައި ކުނާލް އާއި ކަރީނާ އާއި އެކު ތައުމޫރު އާއި އިނާޔާ ކުލަޖައްސަން ތިބި ފޮޓޯއެއްވެސް ވަނީ ޝެއަރ ކޮށްފައެވެ. މީގެ އިތުރުންވެސް ރިސޯޓަށް ދިޔައިރު ސީޕްލޭންގައި ރާއްޖޭގެ ރަށްތައް ފެންނަގޮތަށް މަތިން ނަގާފައިވާ ފޮޓޯތަކާއި ވޯޓާ ވިލާގައި ތިބޭ ނަގާފައިވާ ފޮޓޯތައް ވަނީ އިންސްޓަގްރާމްގައި ޝެއަރ ކޮށްފައެވެ.
ގިނަ ދުވަހަށް ޗުއްޓީ ހޭދަކުރުމަށް ލަންޑަނަށް ގޮސްފައެވެ. ނަމަވެސް ސައިފް ވަނީ ނެޓް ފްލިކްސް އިން ދައްކާ އޭނާގެ ފުރަތަމަ ސީރީޒް "ސެކްރެޑް ގޭމްސް" ޕްރޮމޯޓް ކުރުމަށް އެނބުރި އައިސްފައެވެ. ލަންޑަންގައި ޗުއްޓީ ހޭދަކުރުމުގެ ކުރިން ތައުމޫރު އާއި އެކު އެދެމީހުންވަނީ ސްވިޒްލޭންޑްގައި ވެސް ޗުއްޓީ ހޭދަކޮށްފައެވެ.
