އަންހެން ކުއްޖަކަށް އަނިޔާކުރި ދެ އަންހެން ކުދިން ހައްޔަރުކޮށްފި
ހައްޔަރުކުރީ 18 އަހަރުގެ އަންހެން ކުއްޖަކާއި 17 އަހަރުގެ އަންހެން ކުއްޖެއް
ފުލުސް އޮފީސް: ކުޑަކުއްޖަކަށް އަނިޔާކުރާ ވީޑިއޯއާ ގުޅިގެން ބަޔަކު ވަނީ ހައްޔަރު ކޮށްފައި
ކުޑަ އަންހެން ކުއްޖަކަށް ބުލީކޮށް އަނިޔާކުރާ ވީޑިއޯއާ ގުޅިގެން ކޯޓް އަމުރުގެ ދަށުން ދެ އަންހެން ކުއްޖަކު ހައްޔަރުކޮށްފި އެވެ.
އޯގަސްޓް 24 ވަނަ ދުވަހު ސޯޝަލް މީޑިއާގައި އާންމުވި، އަންހެން ކުއްޖެއްގެ ގައިގައި ތަޅައި މާރާމާރީ ހިންގާ މަންޒަރު ފެންނަ ވީޑިއޯއާއި ގުޅިގެން ހައްޔަރުކޮށްފައިވަނީ އުމުރުން 17 އަހަރުގެ އަންހެން ކުއްޖަކާއި 18 އަހަރުގެ އަންހެން ކުއްޖެއް ކަމަށް ފުލުހުން ބުނެ އެވެ.
މައުލޫމާތު ލިބިފައިވާ ގޮތުގައި ސޯޝަލް މީޑިއާގައި ޢާއްމުވެފައިވަނީ ހުޅުމާލޭގައި އަންހެން ކުދިންތަކެއް، އެހެން ހަންހެން ކުއްޖަކަށް އަނިޔާ ކުރަނީ ހުޅުމާލޭ ޗައިނާ ފްލެޓްތައް ހިމެނޭ ސަރަހައްދުގައެވެ.
އެކުއްޖާއަށް އަނިޔާކުރަމުން ގެންދާއިރު ހުތުރު އެއްޗެހި ކިޔާއަޑުވެސް ވީޑިއޯއިން އިވެއެވެ. އަނިޔާ ކުރުމަށްފަހު އަންހެން ކުދިން ވަނީ އެސަރަހައްދު ދޫކޮށް ގޮސްފައެވެ.
މިއީ ކޮންއިރަކު ހިނގާފައިވާ ކަމެއްގެ ވީޑިއޯއެއްކަމެއް ސާފެއް ނުވެއެވެ.
އަނިޔާ ލިބުނު ކުއްޖާގެ ފޮޓޯ ޢާއްމުކޮށްގެން ހޯދަމުން ދަނިކޮށް އެކުއްޖާ ވަނީ އަމިއްލައަށް ފުލުސް އޮފީހަށް ހާޒިރުވެފައެވެ.
