ކުރީގެ މިސް އިންޑިއާ އަދި ބޮލީވުޑްގެ ތަރި ނެހާ ދޫޕިއާ ބަލިވެއިންކަން އޭނާގެ ފިރިމީހާ އަންގަދް ބޭދީ ޔަގީންކޮށްދީފިއެވެ.
ނެހާ ބަލިވެ އިން ކަމަށް މީޑިއާގައި އަޑުފެތުރިފައިވާތާ ދުވަސްތަކެއް ވެފައި ވަނިކޮށް އަންގަދް އޭނާގެ އަންހެނުން ނެހާއާ އެކު ނަގާފައިވާ ފޮޓޯއެއް ޝެއަރކޮށް ކޮށްފައިވާ ޓްވީޓެއްގައި ވަނީ މީޑިއާގައި ދެކެވެމުންދާ ވާހައަކީ ހަގީގަތެއް ކަމަށާއި އޭނާގެ އަންހެނުން އިނނީ ބަލިވެ ކަމަށެވެ.
ނެހާ ވެސް ވަނީ އޭނާ ބަލިވެ އިންކަން ހާމަކޮށް އެ ދެ މީހުން އެކުގައި ނަގާފައިވާ ފޮޓޯތަކެއް ޝެއަރކޮށްފައެވެ.
މި ދެ މީހުން އެކުގައި ނަގަފައިވާ ފޮޓޯތަކުގައި ކަޅުކުލައިގެ ހެދުމެއްގައި ނެހާ ހުރިއިރު އެ ފޮޓޯތަކުން ނެހާގެ ބަނޑު ހުރީ ފާޅުވާން ފަށާފައެވެ.
ނެހާ އާއި އަންގަދް ކައިވެނި ކޮށްފައިވަނީ މި އަހަރުގެ މެއި މަހުއެވެ. އިންޑިއާގެ ސަގާފަތާއި އެއްގޮތަށް ކޮށްފައިވާ މި ކައިވެނީގެ ހަފްލާގައި ބައިވެރިވެފައި ވަނީ ދެ ފަރާތުގެ އާއިލާ އާއި ގާތް އެކުވެރިންނެވެ.
މި ދެ މީހުން ކައިވެނި ކުރި ފޮޓޯތައް އިންސްޓަގްރާމްގައި ޝެއަރކުރުމުން ފޭނުންނަށް މި ދެ މީހުންގެ ކައިވެނި ވެގެންގޮސްފައި ވަނީ ސަޕްރައިޒަކަށެވެ.
ނެހާ ބަލިވެއިން ކަމަށް މީގެ ކުރިން އަޑުފެތުރުމުން އެކަމާ ގުޅޭ ގޮތުން ކުރިން އަންގަދް ބުނެފައި ވަނީ ދަރިފުޅަކު ހޯދަން އުޅޭ ނަމަ އެންމެނަށް އެކަން އަންގާނެ ކަމަށެވެ. އަދި އޭރު އެ މީހުންގެ މިސްރާބް ހުރީ މަސައްކަތަށާއި އެހެނިހެން ކަން ކަމަށް އަންގަދް ވަނީ ބުނެފައެވެ.
