ނޭހާ ދޫޕިއާގެ ދަރިފުޅުގެ ފުރަތަމަ ފޮޓޯ ދައްކާލައިފި
ފޮޓޯގައި ފެނިގެން ދަނީ ބޭބީގެ ކުޑަކުޑަ ފައިތިލަ
ނޭހާ ދޫޕިއާ އާއި ފިރިމީހާ އަންގަދް ބޭދީ
އެކްޓަރ ނޭހާ ދޫޕިއާ އާއި އަންގަދް ބޭދީގެ ދަރިފުޅުގެ ފޮޓޯ ދައްކާލައިފިއެވެ.
ނޭހާއަށް އަންހެން ދަރިފުޅަކު ލިބިފައިވާއިރު އެ ދަރިފުޅަށް ދީފައިވާ ނަމަކީ މެހްރް ދޫޕިއާ ބޭދީއެވެ.
ނޭހާ ވަނީ މެހްރްގެ ފޮޓޯ އޭނާގެ އިންސްޓަގްރާމްގައި ހިއްސާކޮށްފައެވެ.
އެ ފޮޓޯގެ ކެޕްޝަންގައި ނޭހާ ލިއެފައިވަނީ "މެހްރް ދޫޕިއާ ބޭދީ ސެއިސް ހެލޯ ޓުދަ ވޯލްޑް" އެވެ.
ނޭހާ އިންސްޓަގްރާމުގައި ހިއްސާ ކޮށްފައިވާ ފޮޓޯގައި ފެނިގެންދަނީ ބޭބީގެ ކުޑަކުޑަ ފައިތިލަ އެވެ. ބޭބީއަށް އަރުވާފައިވާ ސޮކްސްގައި ލިޔެފައިވަނީ "ހެލޯ ވޯލްޑް" އެވެ.
މިދިޔަ އާދިއްތަ ދުވަހު ހެނދުނު ނޭހާ ވިހާފައިވަނީ މުމްބާއީގައި ހުންނަ ވުމަންސް ހޮސްޕިޓަލްގައެވެ.
އަންގާރަ ދުވަހު ހެނދުނު އަންގަދް ކޮށްފައިވާ ޓްވީޓެއްގައި ވަނީ އެދެމީހުންނަށް އަންހެން ދަރިފުޅަކު ލިބުނު ކަމަށާއި ދެމައިންގެ ހާލުވެސް ރަނގަޅު ކަމަށެވެ. އަދި އެމީހުންނަށް މަރުހަބާ ކީ މީހުނަށް ވަނީ ޝުކުރު އަދާކޮށްފައެވެ.
ނޭހާ ވިހޭ ޚަބަރު ލިބުމުން އެކްޓްރެސް ސޯހާ އަލީ ޚާން އާއި އޭނާގެ ފިރިމީހާ ކުނާލް ކޭމޫ ވަނީ ނޭހާއަށް ޒިޔާރަތް ކޮށްފައެވެ. މީގެ އިތުރުންވެސް ބޮލީވުޑްގެ ގިނަ ފަންނާނުން ވަނީ ސޯޝަލް މީޑިއާގައި އެދެމީހުންނަށް މަރުހަބާ ކިޔާފައެވެ.
