ނިހާ ދޫޕިއާ އާއި ފިރިމީހާ ރާއްޖޭގައި!
11 އޯގަސްޓު 2018 | ހޮނިހިރު 17:29ޗުއްޓީ ހޭދަކުރަމުންދަނީ "ސިއްރު ފެންފުށީ" ރިސޯޓްގައި
ނޭހާ ދޫޕިއާ އާއި ފިރިމީހާ އަންގަދު ބޭދީ
ކުރީގެ މިސް އިންޑިއާ އަދި ބޮލީވުޑްގެ ތަރި ނޭހާ ދޫޕިއާ އާއި އޭނާގެ ފިރިމީހާ އަންގަދް ބޭދީ ރާއްޖޭގައި ޗުއްޓީ ހޭދަކުރަން ފަށައިފިއެވެ.
މި ޖޯޑު ޗުއްޓީ ހޭދަކުރަމުންދަނީ "ސިއްރު ފެންފުށީ" ރިސޯޓްގައެވެ.
ނޭހާ ވަނީ މިދިޔަ ހުކުރު ދުވަހު އެ ދެ މީހުން ރިސޯޓްގައި ނަގާފައިވާ ފޮޓޯތައް އޭނާގެ އިންސްޓަގްރާމްގައި ހިއްސާ ކޮށްފައެވެ.
ނޭހާ އާއި އަންގަދް ކައިވެނި ކޮށްފައި ވަނީ މިއަހަރުގެ މެއި މަހުގެ 10 ވަނަ ދުވަހުއެވެ.
ކައިވެނި ކުރިތާ މާ ގިނ ދުވަސްތަކެއް ނުވެ މި ޖޯޑު ޗުއްޓީ ހޭދަކުރުމަށް ރާއްޖެ އައިސްފައިވާއިރު ނޭހާ އިނނީ ބަލިވެ ކަމަށް ބައެއް މީޑިއާތަކުން ވަނީ ރިޕޯޓް ކޮށްފައެވެ.
ނޭހާ ކުޅެފައިވާ ފިލްމްތަކަށް ބަލާއިރު "ސިންގް އިޒް ކިންގް"، ހިންދީ މީޑިއަމް" އަދި "ތުމާރީ ސުލޫ" ގެ އިތުރުން ވެސް ގިނަ ފިލްމްތައް ހިމެނެއެވެ.
އާންމު ގޮތެއްގައި ސަޕޯޓިންގ ރޯލްތައް ކުޅޭ ނޭހާ ދެން ފެނިގެންދާނީ ކާޖޮލްގެ "ހެލިކޮޕްޓަރ އީލާ" އިންނެވެ.
އަންގަދް ބޭދީ ވަނީ "އެފް.އޭ.އެލް.ޓީ.ޔޫ"، "ޕިންކް" އަދި "ޑިއަރ ޒިންދަގީ" އިން ފެނިގެން ގޮސްފައެވެ. އަންގަދް އެންމެ ފަހުން ފެނިގެން ގޮސްފައި ވަނީ ސްޕޯޓްސް ބައޯޕިކް "ސޫރްމާ" އިންނެވެ. އޭނާ އާންމު ގޮތެއްގައި ކުޅެނީ ނެގެޓިވް ރޯލްތަކެވެ.
