ޖަސްޓިން ބީބާރ އާއި ހެއިލީ ކައިވެނި ކުރިކަން ޔަގީންކޮށްދީފި
ބީބާ ވަނީ އޭނާގެ އިންސްޓަގްރާމްގައި ކައިވެނި ކުރިކަން ހާމަކޮށްފައި
ޖަސްޓިން ބީބަރ އާއި ހެއިލީ ބޯލްޑްވިން
ޕޮޕް ލަވަކިޔުންތެރިޔާ ޖަސްޓިން ބީބަރ އާއި އޭނާގެ ފިއާންސޭ މޮޑެލް ހެއިލީ ބޯލްޑްވިން ކައިވެނި ކުރިކަން ޔަގީން ކޮށްދީފިއެވެ.
މީޑިއާގައި މިދެމީހުން ސިއްރުން ކައިވެނި ކުރި ކަމަށް އަޑުފެތުރިފައިވަތާ ދެމަސް ފަހުން ބީބަރ ވަނީ އޭނާގެ އިންސްޓަގްރާމްގައި އޭނާ އާއި ބޯލްޑްވިން އެކުގައި އަތުގައި ހިފައިގެން މަގުމަތީގައި ހިންގާފައިދާ ފޮޓޯއެއް ޕޯސްޓްކޮށްފައެވެ.
އަދި އެ ފޮޓޯގެ ކެޕްޝަންގައި ބީބަރ ލިޔެފައިވަނީ " މައި ވައިފް އިޒް އައުސަމް" އެވެ.
މީގެ އިތުރުން ބޯލްޑްވިން ވެސް ވަނީ އޭނާގެ އިންސްޓްގްރާމްގައި އޭނާގެ ނަން ހެއިލީ ބީބަރ އަށް ބަދަލު ކޮށްފައެވެ.
ލަވަކިޔުންތެރިޔާ ކެޓީ ޕެރީއަށްފަހު ޓުވިޓާގައި ފޮލޯވަރުން އަދަދު 100 މިލިއަންއަރާފައިވަނީ ދެވަނަ އާޓިސްޓަކަށް ވެފައިވަނީ ޖަސްޓިން ބީބާރ އެވެ.
އަދި އޭނާގެ ފޭނުން ވަނީ އޭނާގެ ލަވް ލައިފަށް ވަރަށް ބޮޑަށް ޝައުގުވެރިކަން އުފެދިފައެވެ.
ބީބަރ އާއި ބޯލްޑްވިން އެންގޭޖް ކޮށްފައިވަނީ މިއަހަރުގެ ޖުލައި މަހުއެވެ.
ބީބަރ ވަނީ ކުރިން ޕޮޕް ލަވަކިއުންތެރިޔާ އަދި އެކްޓަރ ސެލީނާ ގޮމޭޒް އާއި ޑޭޓްކޮށްފައެވެ.
