ޖޯޖިއާ އާއި ޑޭޓް ކުރާކަން އަރުބާޒް ޚާން ޔަގީންކޮށްދީފި
8 މާރިޗު 2019 | ހުކުރު 07:00މަލައިކާ އާއި އަރްބާޒް ޚާންގެ ކައިވެނި ރޫޅިފައި ވަނީ 2017ގައި
އަރުބާޒް ޚާން އާއި ލޯބިވެރިޔާ ޖޯޖިއާ
ބޮލީވުޑް އެކްޓަރ އަދި ފިލްމް މޭކަރ އަރުބާޒް ޚާން ޖޯޖިއާ އެންޑްރިއާނީ އާއި ޑޭޓް ކުރާކަން ޔަގީން ކޮށްދީފިއެވެ.
އަރުބާޒް މިހާރު ހޯސްޓް ކުރަމުންދާ ވެބް ޝޯ ގައި އަރުބާޒް ވަނީ އުމުރުން 29 އަހަރުގެ އިޓާލިއަން މޮޑެލް ޖޯޖިއާ އާއި އޮންނަ ގުޅުމާއި ގުޅޭ ގޮތުން ވާހަކަ ދައްކާފައެވެ.
އަރުބާޒް ބުނެފައި ވަނީ އޭނާ އާއި ޖޯޖިއާ އާއި އޮންނަ ގުޅުންސިއްރުކުރާނަމަ އެދެމީހުން އެކުގައި އޯޕަންކޮށް ނޫޅޭނެ ކަމަށެވެ. އަދި ޖޯޖިއާ އޭނާގެ ލައިފްގައި ހުރި ކަމަށް އަރުބާޒް ވަނީ ބުނެފައެވެ.
މަލައިކާ އާއި ދެ މީހުންގެ ކައިވެނި ރޫޅުނު ދުވަސްވަރު އަރުބާޒުގެ ދިރުއުޅުމަށް އައި ބަދަލުތައްވެސް ވަނީ ހިއްސާކޮށްފައެވެ.
އަރުބާޒު ބުނެފައިވަނީ އެދުވަސްވަރު އެކަމާއި ހިތާމަ ކުރި ކަމަށާއި ނަމަވެސް މިހާރު އެހުރިހާކަމެއް ނިމި މޫވްއޮން ކޮށްފައިވާ ކަމަށެވެ.
މަލައިކާ އާއި އަރްބާޒް ޚާންގެ 19 އަހަރުގވީ ކައިވެނި ރޫޅިފައިވަނީ 2017 ވަނަ އަހަރު އެވެ. އެދެމީހުންގެ ކައިވެންޏަށް ވަނީ 16 އަހަރުގެ ފިރިހެން ދަރިފުޅަކު ލިބިފައެވެ. އޭނާގެ ނަމަކީ އަރްޚާން އެވެ.
