ރިޝީ ކަޕޫރަށް ޖެހުނީ ކެންސަރ ކަން ޔަގީންކޮށްދީފި

ބޮލީވުޑް އެކްޓަރ ރިޝީ ކަޕޫރު ނިޔުޔޯކްގައި ފަރުވާ ހޯދަމުން ދަނީ ކެންސަރު ބައްޔަށްކަން ޔަގީން ވެއްޖެ އެވެ.

އައިއޭއެންއެސް އަށް ދިން އިންޓަވިއުއެއްގައި ރިޝީގެ ބޭބެ ރަންދީރު ކަޕޫރު ބުނެފައިވަނީ ރިޝީގެ ޓްރީޓްމަން އަދި ނުނިމޭ ކަމަށާއި ނަމަވެސް ވަރަށް އަވަހަށް އެނބުރި އިންޑިއާއަށް ދާނެ ކަމަށެވެ. އަދި ރިޝީ މިހާރު ކެންސަރުން ސަލާމަތް ވެފައިވާ ކަމަށް ރަންދީރު ވަނީ ބުނެފައެވެ.

މީގެ މަސްތަކެއް ކުރިން ނިއުޔޯކުގައި ބައްޔަކަށް ފަރުވާ ހޯދަމުން ދިޔަ ނަމަވެސް އެއީ ކޮން ބައްޔެއް ކަމެއް އާއިލާއިން ކުރިން ހާމަކޮށްފައެއް ނުވެއެވެ.

ރިޝީގެ އަންހެނުން ނީތޫ ކަޕޫރުވެސް ވަނީ ރިޝީ އާއި އެކު ނިއުޔޯކްގައެވެ. އަދި އާއިލާ އާއި ރައްޓެހިންނާއި އެކުގައި ނިއުޔޯކްގައި ނަގަފާއިވާ ފޮޓޯތައް ފޭނުންނާއި ހިއްސާކޮށްފައިވެއެވެ.