ކުރީ ފޮރޮޅާ ނުލާ މަތިންދާ ބޯޓެއް ޕޭރޫގައި ޖައްސައިފި
22 އޯގަސްޓު 2018 | ބުދަ 03:40މަތިންދާބޯޓުން ދަތުރު ކުރި ހުރިހާ އެންމެން ސަލާމަތްވި
ޕޭރޫގައި ކުރީ ފުރޮޅާ ނުލާ ޖެއްސި މަތިންދާބޯޓަކީ ބޮމްބާޑިއާ ކިއު ޑޭޝް 8 ކިއު 400
ޕޭރޫގެ ލީމާ ސިޓީގެ ޗާވެޒް އިންޓަނޭޝަނަލް އެއާޕޯޓަށް ކުރީ ފޮރޮޅާ ނުލާ މަތިންދާ ބޯޓެއް ވަރަށް ނުރައްކާތެރިކޮށް ޖައްސާފިއެވެ.
ޕޭރޫގެ އަޔާކޫޗޫ ސިޓީއަށް ދަތުރު ކޮށްފައި ދިޔަ އެލް.ސީ. ޕޭރޫ މަތިންދާބޯޓު 41323W ވައިގެތެރޭގައި އުދުހެމުން ދަނިކޮށް ކުރީ ފުރޮޅުގައި މައްސަލައެއް އުޅޭކަން އެގިގެން ވަނީ އަބުރާ އުދުއްސައިގަތް ޗާވޭޒް ސިޓީއަށް ޖައްސާފައެވެ.
މަތިންދާބޯޓު އެއާޕޯޓުގައި ޖެއްސީރު، ކުރީ ފުރޯޅާ ނުލާ ޖެއްސުމުގެ ސަބަބުން އޭގެ ކުރީކޮޅު ބިމުގައި ގޭނި ވަރަށް ބޮޑަށް އަލިފާން ކަނި ބުރާގެން ގޮސްފައިވެއެވެ. އޭގެ ކުރީ ފުރޮޅު ނުނިކުމެފައި ވަނީ އެއަށް ދިމާވި ޓެކްނިކަލް މައްސަލައަކާ ގުޅިގެންނެވެ.
މަތިންދާބޯޓުން ދަތުރުކުރި 59 އާންމުންނާއި 5 ފަޅުވެރިން ތިބީ ސަލާމަތުންކަމަށް އެ ގައުމުގެ ސަލާމަތީ ބާރުތަކުން ވަނީ ބުނެފައެވެ.
