ގިނަ ޕާޓީތައް އެކުލެވޭ ސިޔާސީ ނިޒާމަކީ ޤައުމެއްގެ ތަރައްޤީއަށް އެންމެ މުހިންމު ނިޒާމް: ރައީސް ނަޝީދު
ގުޅިގެން ކުރާ އިސްލާހީ މަސައްކަތުގައި އަދާލަތު ޕާޓީއިން އަދާކުރާ މުހިންމު ދައުރު ފާހަގަކޮށް، ޝުކުރު އަދާކުރެއްވި
އެމްޑީޕީ އެއްވުމެއްގެ ތެރޭގައި ރައީސް ނަޝީދު ބައިވެރިވެވަޑައިގެން
ގިނަ ޕާޓީތައް އެކުލެވޭ ސިޔާސީ ނިޒާމަކީ ޤައުމެއްގެ ތަރައްޤީއަށް އެންމެ މުހިންމު ނިޒާމް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އަދާލަތު ޕާޓީގެ 13 ވަނަ އަހަރީ ދުވަހުގެ މުނާސަބަތުގައި ޓުވިޓަރ މެދުވެރިކޮށް ފޮނުއްވި މެސެޖުގައި ރައީސް ނަޝީދު ވިދާޅުވީ ގިނަ ޕާޓީ އެކުލެވޭ ސިޔާސީ ނިޒާމަކީ ޤައުމިއްޔަތެއް ބިނާ ކުރުމަށް އަދި ޤައުމެއްގެ ތަރައްޤީއަށް ވެސް އެންމެ މުހިންމު ނިޒާމް ކަމަށެވެ. އެމަނިކުފާނު ވަނީ އަދާލަތު ޕާޓީގެ 13 ވަނަ އަހަރީ ދުވަހުގެ ތަހުނިޔާ ޕާޓީގެ އެންމެ މެމްބަރުންނަށް ފޮނުއްވާފަ އެވެ.
އަދާލަތު ޕާޓީގެ 13 ވަނަ އަހަރީ ދުވަހާއި ގުޅިގެން ގުޅިފައިވާ ޕާޓީތަކުގގެ ރިޔާސީ ކެނޑިޑޭޓް އިބްރާހިމް މުހައްމަދު ސޯލިހް (އިބޫ) ވިދާޅުވީ، ގުޅިގެން ކުރާ އިސްލާހީ މަސައްކަތުގައި އަދާލަތު ޕާޓީއިން އަދާކުރާ މުހިންމު ދައުރު ފާހަގަކޮށް، ޝުކުރު އަދާ ކުރަކަމަށެވެ.
އަނިޔާވެރިކަމާއި ދެކޮޅަށް އަދާލަތު ޕާޓީން ކޮށްފައިވާ މުހިންމު މަސައްކަތްތައް ފާހަގަކޮށް، ގަލޮޅު ދެކުނު ދާއިރާާގެ މެމްބަރ އަހުމަދު މަހުލޫފް ވިދާޅުވީ އަނނިޔާވެރިކަމާއި ދެކޮޅަށް ވާދަވެރި ކޯލިޝަން ބަދަހިކޮށް ބޭއްވުމަށް އަދާލަތު ޕާޓީން ކުރެއްވި ބުރަމަސައްކަތް އަދި ޝެއިހު އިމްރާންގެ ގުރުބާނީގެ އަގު ވަޒަން ކުރާކަމަށެވެ.
ޢަދާލަތު ޕާޓީ ރަސްމީގޮތުން ރަޖިސްޓްރީ ކޮށްފައިވަނީ 2005 ވަނަ އަހަރުގެ އޯގަސްޓް މަހުގެ 18 ވަނަ ދުވަހުއެވެ. ސިޔާާސީ މައިދާނުގައި ފަނޑުކަަމެއް ނުގެނައިސް، ހަރަކާތްތެރިވި މަދު ސިޔާސީ ޕާޓީތަކުގެ ތެރޭގައި އަދާލަތު ޕާޓީއަކީ ފާހަގަކުރެވުނު ޕާޓީއެކެވެ. އަދި އިންތިހާބުތަކުގައި ބަދަލުތައް ގެނައުމަށް އެކި ކޯލިޝަންތަކުގެ ތެރެއިން އަދާލަތު ޕާޓީ މިހާތަނަށް މުހިންމު މަސައްކަތްތަކެއް ވެސް ކޮށްފައިވެއެވެ.
ޢަދާލަތު ޕާޓީ އަކީ ދިވެހިރާއްޖޭގައި ފަނޑުވަމުންދާ އިސްލާމީ ޘަޤާފަތާއި، ޙަޟާރަތު ދެމެހެއްޓުމަށްޓަކައި، އަދި ދިވެހިރާއްޖޭގައި ދީނީ ރޫޙް އާލާކުރުމުގެ ގޮތުން ޢަމަލީ ސިފައެއްގައި މަސައްކަތްކޮށް، ފިތުނަފަސާދައިން ދިވެހި މުޖްތަމަޢު ސަލާމަތް ކުރުމަށް މަސައްކަތް ކުރުމަށާއި، އިޤްތިޞާދީ ފުދުންތެރިކަން ޢަދުލުވެރިގޮތުގައި ހުރިހާ ރައްޔިތުންނަށް ފޯރުކޮށްދިނުމަށް މަސައްކަތްކުރުމުގެ ބޭނުމުގައި އުފެއްދި ޕާޓީ އެކެވެ.
