ރާއްޖޭގައި ފުޅާ ދާއިރާއެއްގައި ހޯލްސޭލް އަދި ރީޓެއިލްގެ ވިޔަފާރިކުރާ، ބީއެމްއެޗް ޓްރޭޑާސްގެ ފިހާރައެއް ހުޅުމާލޭގައި ހުޅުވައިފިއެވެ.
ބުރާސްފަތި ދުވަހުގެ ހެނދުނު ބޭއްވި ކުޑަ ރަސްމިއްޔާތެއްގައި މި ފިހާރަ ހުޅުވައިދެއްވީ ބީއެޗްއެމްގެ މަސްއޫލުވެރިޔާ ހުސެއިން މޫސާއެވެ.
މިފިހާރަ އިން އެކުންފުނިން އެތެރެކުރާ ގިނަ އަދަދެއްގެ ބްރޭންޑްގެ ޕްރޮޑަކްޓްސްތައް ލިބޭނެ ކަމަށާއި އަދި މިވަގުތު ހޯލްސޭލް ކުރާނީ މަދު ބްރޭންޑެއް ކަމަށް ރާއްޖެއެމްވީއާ ވާހަކަދައްކަވަމުން ބީއެޗްއެމްގެ ބިޒްނަސް ޑިވެލޮޕްމަންޓް މެނޭޖަރ މައުމޫނު އިބްރާހިމް ވިދާޅުވިއެވެ.
މައުމޫނު ވިދާޅުވީ މިވަގުތު އެކަށީގެންވާ ވަރަށް ފިހާރައިގެ ޖާގަ ނެތުމުން އެކުންފުނިން ބޭނުންވާ ވަރަށް ޙިދުމަތް ފޯރުކޮށްނުދެވުނު ނަމަވެސް ކައިރި މުސްތަޤްބަލެއްގައި ބީއެޗްއެމްގެ ވިޔަފާރި އިތުރަށް ފުޅާކޮށް ހޯލްސޭލް ޙިދުމަތް ފުޅާދާއިރާއެއްގައި ލިބިގެންދާނެ ކަމަށެވެ.
އެ ކުންފުނިން ވިއްކާ އެއްވެސް ޕްރޮޑަކްޓެއްގެ އަގަކަށް ބަދަލެއް ނާންނާނެ ކަމަށާއި މާލެއިން ވިއްކާ އަގުތަކުގައި ހުޅުމާލެ ފިހާރައިން ވެސް ލިބޭނެ ކަމަށް މައުމޫނު ވިދާޅުވިއެވެ.
މި ފިހާރަ ހުޅުވާފައި ވަނީ ހުޅުމާލެ، ޖިލްބާބް ފިހާރަ އާއި ޖެހިގެންނެއެވެ.
ބީއެޗްއެމް އިން އެތެރެކޮށް ވިއްކާ އުފެއްދުންތަކުގެ ތެރޭގައި ކޯސްޓް، ޔޭޔޭ، އަކްބަރު، މައި ބޭބީ، ޑަޗްލޭޑީ، އެކްސްއެލްގެ އިތުރުން ވެސް ގިނަ އުފެއްދުންތައް ހިމެނެއެވެ. އަދި ބީއެޗްއެމްއަކީ އެކުންފުނިން ވިއްކާ އުފެއްދުންތަކުން ގިނަ ޕްރޮމޯޝަންތަކެއް ކުރިއަށްގެންގޮސް އަގު ބޮޑެތި އިނާމްތަކެއް ކަސްޓަމަރުންނާ ހަމައަށް ފޯރުކޮށްދޭ ކުންފުންޏެވެ.
އެގޮތުން މިހާރު ވެސް އުމުރާ ދަތުރުތަކެއް ލިބޭ ކޯސްޓްގެ އަގުބޮޑު ޕްރޮމޯޝަނެއް ކުރިއަށް ގެންދާއިރު ކޮންމެ ދުވަހަކު ގުރުއަތުން ހޮވޭ ތިން ފަރާތަކަށް އަގު ހުރި އިނާމް ވަނީ ހުށަހަޅާފައެވެ.
