އިންޑޮނޭޝިއާ އަށް އައި ބިންހެލުމުގައި މަރުވި މީހުން އަދަދު 131 އަށް، އެހީ އަންނަން ފަށައިފި
ސީރިއަސް ޒަޚަމްތަކާއި ގުޅިގެން 2500 މީހުން ވަނީ ހޮސްޕިޓަލަށް ގެންދެވިފައި
ދީއްތަ ދުވަހު އިންޑޮނީޝިއާގެ ލޮމްބޮކް އަށް އައި ބިންހެލުމުގައި ވެއްޓިފައިވާ އިމާރާތްތަކެއް
އިންޑޮނޭޝިއާގެ ރަށެއް ކަމަށްވާ ލޮމްބޮކް އަށް އާދީއްތަ ދުވަހު 6.9 މެގްނިޓިއުޑްގައި ބިންހެލުމެއް އައިސް 131 މީހުން މަރުވެފައިވާއިރު ލޮމްބޮކް ގެ އެކަހެރި ސަރަހައްްދުތަކަށް އެހީ އަންނަަން ފަށާފައިވާ ކަމަށް ރިޕޯޓުތައް ބުނެފިއެވެ.
ބިމާހަމަވެފަިއވާ އިމާރާތްތަކުގެ ދަށުންނާއި އަދިވެސް އެހެނިހެން ގޮތް ގޮތުން މަރުވެފައިވާ މީހުންގެ ހަށިތައް ހޯދުމުގެ މަސައްކަތް މީހުން ހޯދުމުގެ މަަސައްކަތް ކުރާ ފަރާތްތަކުން ދަނީ ކުރަމުންނެވެ. ބިންހެލުމާ ގުޅިގެން ވަގުތީ ހިޔާތަކަށް އެތައްހާސް ބަޔަކު ބަދަލުކޮށްފައިވާއިރު، ބުދަ ދުވަހު އޮފިޝަލުން ބުނެފައިވަނީ އިތުރު ހިޔާތަކެއް މިހާރުވެސް ހަދަމުން ގެންދާ ކަމަށެވެ. ލޮރީތައް ބޭނުންކޮށްގެން ހާލުގައި ޖެހިފައިވާ މީހުންނަށް ކާާނާ އާއި އަދި ސިއްހީ ސަޕްލައި ފޯރުކޮށްދެމުން ގެންދާއިރު، އިންޑޮނޭޝިއާގެ އަސްކަރިއްޔާ އިން ބުނެފައި ވަނީ ވެރިރަށް ޖަކާޓާ އިން ފަސް އަސްކަރީ ބޯޓެއް ވަނީ ބިންހެލުުން އައި ލޮމްބޮކް އަށް އެހީގެ ތަކެތި ހިފައިގެން ގޮސްފައި ކަމަށެވެ.
ބިންހެލުމާއި ގުޅިގެން މަރުވި މީހުންގެ އަދަދު އަދިވެސް އިތުރުވާނެ ކަަމަށް ރިޕޯޓުތައް ބުނާއިރު، ސީރިއަސް ޒަޚަމްތަކާއި ގުޅިގެން 2500 މީހުން ވަނީ ހޮސްޕިޓަލަށް ގެންދެވިފައެވެ. އަދި 156000 މީހުން ވަނީ ރައްކާތެރި ހިސާބުތަކަށް ބަދަލު ކުރަން ޖެހިފައިވާ ކަމަށް ރިޕޯޓުތައް ބުނެއެވެ.
ނިޔޭގެ އެކި ކަންކޮޅުތަކުގެ ޓޫރިސްޓުން ޝައުގެވެރިވާ ލޮމްބޮކް އޮންނަނީ ޓޫރިސްޓް މަންޒިލެއް ކަމަށްވާ ބާލީގެ އިރުން 40 ވަރަކަށް ކިލޯމީޓަރު ދުރުގައެވެ.
ބާލީ އާއި ލޮމްބޮކްގެ އާބާދީ ގާތްގަނޑަކަށް ހަތަރު މިލިއަނަށް އަރާ އިރު، އަހަރެއްގެ ތެރޭގައި ދެ ރަށަށް ޒިޔާރަތްކުރާ މީހުންގެ އަދަދު އެތައް މިލިއަނަކަށް އަރައެވެ.
