މަސްތުވާތަކެއްޗާއެކު މީހަކު ކ.ތުލުސްދޫން ހައްޔަރުކޮށްފި
8 އޯގަސްޓު 2018 | ބުދަ 11:53އޭނާ ހައްޔަރު ކުރީ ހޯމަ ދުވަހުގެ ދަންވަރު ވަގުތެއްގައި
އަރުޝަމް އަބްދުލް ޢަޒީޒް | 8 އޯގަސްޓު 2018 | ބުދަ 11:53
ފުލުހުން އަތުލައިގަނެފައިވާ މަސްތުވާތަކެތި
ފުލުހުން ހިންގި އޮޕަރޭޝަނެއްގައި ކ.ތުލުސްދޫން މަސްތުވާތަކެއްޗާއެކު މީހަކު ހައްޔަރުކޮށްފިއެވެ.
އެ މައްސަލައާ ގުޅިގެން ހައްޔަރުކޮށްފައިވަނީ 38 އަހަރުގެ ފިރިހެނެކެވެ. އޭނާ ހައްޔަރުކޮށްފައިވަނީ ރަށުތެރެ ޕެޓްރޯލްކުރުމުގައި ހަރަކާތްތެރިވަމުންދިޔަ ފުލުހުންނަށް އޭނާގެ ޢަމަލުތައް ހުރިގޮތުން، މަސްތުވާތަކެތި ގެންގުޅޭ ކަމަށް ތުހުމަތުކުރެވިގެން އޮގަސްޓް 6 ވަނަ ދުވަހުގެ ރޭ، ދަންވަރުގެ ވަގުތެއްގައެވެ.
އޭނާ ހުއްޓުވައި ބަލައި ފާސް ކުރިއިރު އޭނާގެ އަތުން މަސްތުވާތަކެތިކަމަށް ޝައްކުކުރެވޭ އެއްޗެއް އަޅާފައި ހުރި ތިން ރަބަރު ޕެކެޓު ފެނިފައިވެއެވެ. އަދި އޭނާ ބަންދުގައި ބެހެއްޓުމަށް 05 ދުވަހުގެ މުއްދަތެއް ކޯޓުން ވަނީ ދީފައިވެއެވެ.
